Oqtay Gülalıyev
7 yanvar 2021-ci il tarixində hüquq müdafiəçisi Oqtay Gülalıyevin xanımı Füruzə Gülalıyeva həyat yoldaşının koma vəziyyətinə düşməsinə səbəbkar olan həkimlərin məsuliyyətə cəlb edilməsinin barədə ərizə ilə sizə müraciət edib. Bu müraciət 25 dekabr 2020-ci ildə Nəsimi Rayon Prokurorluğu cinayət işinin başlanmasından imtina etdikdən sonra edilib. 2020-ci ilin sentyabrında bu barədə material avtonəqliyyat cinayəti ilə bağlı işdən ayrılıb. Yanvar ayından Nəsimi prokurorluğu sizin şəxsi nəzarətiniz altında araşdırmaya başlayıb.
Füruzə Gülalıyevanın sizə məktubu açıqlandıqdan sonra yanvarın 25-də Nəsimi Rayon Prokurorluğu araşdırmanı təzələyib. Lakin uzun müddət keçməsinə baxmayaraq, indiyədək heç bir nəticə yoxdur, yaxud həmin nəticələr F.Gülalıyevaya, O.Qülalıyevin övladlarından gizli saxlanılır.
Naməlum səbəblərdən prokurorluq indiyə kimi Gülalıyevin hansı səbəblərdən özəl klinikaya müşayiət sənədləri, o cümlədən MRT müayinəsi sənədlər olmadan göndərilməsi, niyə onun vəziyyəti sürətlə pisləşməsinə baxmayaraq lazımi şəkildə müayinə edilməməsi suallarına aydınlıq gətirmir və ya gətirmək istəmir. Uzun sözün qısası, prokurorluq Oqtayın ölümcül vəziyyətə düşməsinin səbəbləri və buna görə məsuliyyət daşımalı şəxslərin dairəsi haqqında məsələlərə aydınlıq gətirmir.
Mən, Mehman Əliyev 30 oktyabr 2019-cu il tarixindən Oqtay Gülalıyevin işinin hüquqi və tibbi tərəfilə əlaqədar məsələlərdə iştirak edən şəxs kimi yuxarıda qeyd olunanlarla əlaqədar sizdən xahiş edirəm ki, 25 yanvar 2020-ci il tarixində başlanmış araşdırmanın nəticələrini ictimaiyyətə təqdim edəsiniz.
Hörmətlə,
Mehman Əliyev, Turan İnformasiya Agentliyinin direktoru
Söz istəyirəm
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
-
Çıxışıma təşəkkürlərlə başlamaq istəyirəm. Həyatımın hər mərhələsində yanımda olan ailəmə, yaxın qohumlarıma, dostlarıma təşəkkür edirəm. Şərlənərək həbs edildiyimə görə fiziki olaraq azadlıqdan məhrum edilsəm də, ilk andan bu günə qədər bütün maddi-mənəvi çətinliklərə baxmayaraq, onların yanımda olmasının nə qədər dəyərli olduğunu sözlərlə ifadə etmək mümkün deyil.
Rəy yaz