İslahatların sifəti?

Hacıbala Abutalıbov baş nazirin müavini rolunda...Nədənsə belə islahat qəribə səslənir.

Baş nazirdən, ümumiyyətlə danışmayacam, gərçi onun işlətdiyi ifadə: "əvvəllər çox danışırdım, indi isə işləmək (!) lazımdır" artıq onu xarakterizə edir.

İctimaiyyət vakant nazir yerlərinə təyinatın ikinci mərhələsini gözləyir.

Səlahiyyətlərin dəyişdirilməsi və bölgüsü ilə bağlı çoxlu şayiələr var: ekoloq səhhətilə əlaqədar gedir, idmançı mer olur, kulturoloq Prezident Administrasiyasına gedir və s.

Səhiyyə, Turizm, Müdafiə Sənayesi nazirlikləri və bəzi dövlət agentlikləri ilə bağlı vəziyyət məlum deyil.

Prezident Administrasiyasının özündə hansı dəyişikliklərin gözlənildiyi də bəlli deyil.

Amma hər şeyə rəğmən, müşahidəçilərin əhval-ruhiyyəsi nikbin deyil. Bu bədbinliyə əsas təkan baş nazir təyinatından gəldi. Qərbi bədxahlıq mənbəyi, öz ölkəsi üçün problem sayan fransız dili müəlliminin icrasında iqtisadi islahatları təsəvvür etmək çətindir.

Ancaq yeni baş nazirin qeyri-standart ifadə və rəylərini nəzərə alaraq onun çıxışlarını və bəyanatlarını məmnuniyyətlə gözləyənlər də az deyil. Bəziləri hətta onu Rusiyanın keçmiş baş naziri Çernomırdin ilə müqayisə edirlər.

Bu arada isə karikaturaçıların işi çoxaldı, material çox olacaq..