Açiq mənbələrdən foto.
Müdafiə Nazirliyinin mətbuat katibi durmadan KİV-in yalnız rəsmi informasiyadan istifadə etməsinin, saxta və düşmənin dezinformasiyasını dərc etməməsinin vacibliyini bəyan edir.
Eyni zamanda Tovuzda cari vəziyyət və ya əks tərəfin məlumatları ilə bağlı bilgi və ya şərh almaq demək olar ki, mümkün deyil.
Görünür, Müdafiə Nazirliyi vaxtaşırı məlumat və ya şərhləri ancaq hökumətyönlü KİV-lər vasitəsilə verməklə KİV-dən müdafiə taktikasını seçib.
Lakin hərbi qurum mütləq cavab verməli olduğu mövzulardan hər vəchlə yan keçir: düşmən general və bir qrup zabitin həlak olduğu səhra qərargahını necə atəşə tuta bildi? Əgər bu, başqa bir vəziyyətdə olubsa, hansı vəziyyətdə baş verib?
UAZ ilə bağlı məsələ necədir? Nə üçün ilk dörd hərbçinin həlak olması ilə bağlı açıqlama yoxdur? Niyə guya qarşı tərəfin ələ keçirdiyi yüksəkliklər haqda şərh yoxdur?
Bütün bu suallara Müdafiə Nazirliyinin mətbuat xidməti yalnız bir cavabı təkrarlayır ki, bir santimetr torpaq belə ələ keçirilməyib.
Hərbi idarədə oturanlar ictimaiyyətin psixologiyasını nəzərə almırlar, ictimaiyyət, sadəcə, “düşmənə inanmayın” tipli bəyanatlar gözləmir, insanlar çoxdan oxumağı və müqayisə etməyi, təhlil etməyi öyrəniblər. Ona görə də hərbçilərin çağırışları inandırıcı görünmür.
Bu, hərbi sirri qorumaqdan daha çox tənqiddən qaçmaq istəyidir. Xüsusilə də müdafiə nazirinin bu yaxınlarda verdiyi müsahibənin fonunda. O bildirir ki, düşmən ərazisində nələrin baş verdiyini, o cümlədən aerodromlarda SU-30 təyyarələrinin yanacaq doldurması da daxil olmaqla, hər şeyi real vaxt rejimində izləyir.
İnformasiya müharibəsi adi müharibədən, Bakı küçələrində gecə mitinq-yürüşündən fərqlənir. Bu, əsasən həmin suallara cavabın olmaması səbəbindən cəmiyyətin düşdüyü stressli vəziyyətin nəticəsidir.
Suallara cavablarla yanaşı, baş verənlərdə günahkar olanların məsuliyyətini də qiymətləndirmək lazımdır və hərbi sirrə istinad burada işə yaramayacaq.
Söz istəyirəm
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
-
Azərbaycan Dövlət Kütləvi İnformasiya vasitələri və “yalançının kor şahidi” qismində çıxış edən yandaş media erməni əsirliyində olan adamlara verilən ağır işgəncələr haqqında tez-tez heyrətləndiricü söhbətlər, əsirin şəxsiyyətinin və ləyaqətinin alçaldılması haqqında süjetlər, söhbətlər, müsahibələr verirlər.
-
Belə getsə London Yüksək Məhkəməsi böyük uyğur mütəfəkkiri Mahmud Kaşğarinin və onun təkrarsız dil abidəsi olan "Divanü Lüğat-it-Türk" əsəri üzərinə də həbs qoyacaq. Dünən oxudum ki, Mahmud Kaşqari adına Beynəlxalq Fondun təsisçiləri xalq yazıçısı Anar və Elxan Zal Qaraxanlı Fondun yeni rəhbəri kimi Milli Məclisin deputatı Cavanşir Feyziyevin namizədliyini irəli sürüblər. Cavanşir Feyziyev Mahmud Kaşqari adına Beynəlxalq Fondun yeni prezidenti oldu.
Rəy yaz