- Söz istəyirəm
- 29 Dekabr 2019, 11:40
- 222
KİV-ə rəhbərlik etməyə mənəvi haqq barədə
Hörmətli Komissiya üzvləri!
Siz 102.0 MHz tezliyində Respublika radiokanalının açılması üçün qalibin müəyyən edilməsi müsabiqəsinin sənədlərinə baxırsınız.
Komissiya üzvlərindən qərar qəbul edərkən Bakının Yasamal rayonunda, Qurban Xəlilov küçəsi, 5 ünvanındaki 45 mənzillik yaşayış binasının sakinlərinin fikrini də nəzərə almağınızı xahiş edirik.
Bu 16 mərtəbəli binada 2003-cü ildən Vahid Mustafayevə məxsus mənzil var. Bir neçə ildir o, kommunal xidmətlərə görə ödəniş etməkdən imtina edir və onun son 5 illik borcu 6 min manatı keçib.
Vahid Mustafayev ödəniş etməkdən imtinasını guya bu mənzildə yaşamaması və ondan istifadə etməməsi ilə əsaslandırır, bu da həqiqətə uyğun deyil. O, bu mənzili kirayə verir, ya da özü istifadə edir. Bundan əlavə, Azərbaycan Respublikasının Mənzil Məcəlləsində deyilir:
137.10. Mülkiyyətçilər, kirayəçilər və ya digər şəxslər tərəfindən sahənin istifadə edilməməsi yaşayış sahəsinə və faktiki istehlak edilmiş kommunal xidmətlərə görə haqqın ödənilməməsi üçün əsas deyildir.
Bütün bu illər ərzində sakinlər Mustafayevin yerinə binanın infrastruktrunun saxlanması xərclərini və kommunal xidmət xərclərini ödəmək məcburiyyətindədirlər.
Bir neçə aydır Vahid Mustafayev və bina sakinləri (44 ailə) arasındakı mübahisə məhkəmələrdədir və göründüyü qədər, proses hələ uzun çəkəcək.
Hörmətli cənablar, ölkə qanunvericiliyinə, Azərbaycan Juralistlərinin Peşə Etika Kodeksinə əsasən, KİV rəhbəri müəyyən əxlaqi keyfiyyətlərə malik olmalıdır. Lakin illərcə qonşularının hüquqlarını pozan, onlara hörmətsizlik edən və onları hədələyən şəxs bu normalara riayət edə bilər? Bizcə, yox.
Sizdən yekun qərar qəbul edərkən bizim fikrimizi də nəzərə almağınızı xahiş edirik.
Hörmətlə,
Bina sakinləri
-
- Siyasət
- 29 Dekabr 2019 00:52
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz