Norveç �İnsan Hüquqları Evi� Azərbaycan prezidentini Mehman Hüseynovu azad etməyə çağırıb

Bakı12.01.19/Turan: Norveç "İnsan Hüquqları Evi" Azərbaycanın dövlət başçısına açıq məktub göndərərək bloger Mehman Hüseynovu azad etməyə çağırıb.

"Biz videobloger və hüquq müdafiəçisi Mehman Hüseynovun kritik vəziyyəti, ona qarşı psixoloji təzyiqlər və yeni cinayət ittihamları ilə bağlı dərin narahatlığımızı ifadə etmək üçün yazırıq. Biz sizi onun işinə şəxsən müdaxilə etməyə çağırırıq", - müraciətdə deyilir.

Mehman Hüseynov ona qarşı irəli sürülən yeni cinayət ittihamına etiraz olaraq 2018-ci il dekabrın 26-da aclığa başlayıb. Biz, Avropa Şurasının insan hüquqları üzrə komissarı da daxil olmaqla, bir çoxu bunun doğru olmadığını hesab edir.

2012-ci ildən Mehman Hüseynova xaricə getmək qadağan edilib, onun şəxsiyyət vəsiqəsi və digər rəsmi sənədləri yoxdur və bu da onu səhiyyə, təhsil kimi ictimai xidmətlərdən məhrum edib.

2017-ci il yanvarın 9-da o oğurlanaraq polisdə işgəncələrə məruz qalıb. Bu, Front Line Defenders müstəqil həkim qrupunun və Gürcüstan İşgəncələrdən Psixoloji və Tibbi Reabilitasiya Mərkəzinin araşdırmaları nəticəsində təsdiqlənib.

2017-ci il martın 3-də ona işgəncə verildiyini bəyan etdiyi üçün diffamasiyaya görə 2 il azadlıqdan məhrum edilib.

Biz onun həbs olunmasına təəssüf edirik, halbuki, ona dəstək göstərilməsli, onun oğurlanma və işgəncə ilə bağlı ittihamları araşdırılmalıydı. Həbsdə ikən ona qarşı yeni cinayət ittihamı irəli sürülüb, həbsxana əməkdaşına zorakılıq tətbiq etdiyi bildirilib. Biz Mehman Hüseynova qarşı əvvəlki özbaşına hərəkətlər kontekstində və 2018-ci ilin avqustundan həbsdə psixoloji təzyiqlərə məruz qalması baxımından bu fikirlərin səhihliyilə bağlı narahatıq.

Mehman Hüseynovun barəsində həyata keçirilən tədbirlər siyasi motivli kimi görünür və onun insan hüquqları barədə maarifləndirmənin artırılması, korrupsiya problemləri ilə bağlı qanuni işi ilə əlaqədardır. Bu hərəkətlər onun indiki ağır vəziyyətinə səbəb olub. Görünür, ədalət mühakiməsinə əli çatmayan Mehman Hüseynov azadlığının özbaşına məhdudlaşdırılmasının qarşısını almaq üçün 2018-ci il dekabrın 26-da aclıq etməkdən başqa yol görməyib.

2018-ci ilin avqustunda Mehman Hüseynova anasının dəfn mərasimində iştirak etməyə icazə verilib. Ancaq anasının sağlığında, xəstəxanada yatarkən ona baş çəkməyə icazə verilməyib. Və bunu onun "islah işlərində", həbsxananın "ictimai həyatında", "mədəni tədbirlərdə", "təmir işlərində" iştirak etməməsi ittihamı ilə əlaqələndiriblər.

Biz təkidlə sizi:

*Mehmanın müstəqil həkimlər tərəfindən müayinə olunması üçün mülki xəstəxanaya köçürülməsinin təmin edilməsinə çağırırıq;

*Vəkillərin, ailə üzvlərinin, beynəlxalq ictimaiyyət nümayəndələrinin ona baş çəkmək imkanlarının təmin edilməsinə çağırırıq.

Mehman Hüseynova qarşı ittihamlara gəlincə, prokurorluğun Azərbaycan CM-in 317.2-ci maddəsilə yeni cinayət ittihamını götürməsi və Mehman Hüseynovun 2019-cu il martın 2-dən gec olmayaraq həbsdən azad edilməsi üçün sizi işə müdaxilə etməyə çağırırıq.-02D-