Azər Qasımlı: “Hakimiyyətin kadr siyasətində şəxsi sədaqət prinsipi öndə gəlir”

Bakı/14.05.20/Turan: Son zamanlar bir neçə rayonun icra başçısının korrupsiya itthamı ilə həbs olunması kadr siyasətində yalnışlığın və idarəetmə sisteminin qüsurlu olmasının göstəricisidir. Bu barədə müxalifətçi siyasətçi Azər Qasımlı “Amerikanın səsi” radiosuna müsahibəsində bildirib.

İdarəetmə sistemi özü korrupsiya üzərində qurulub. Bundan əlavə, kadrların özləri də vəzifəyə uyğun deyil. Onlar təyin olunduqda ədalət, səriştə, peşəkarlıq prinsipləri pozulub. Bundan əlavə, çoxu rüşvətlə işə düzəlib.

Kadrları yalnız sədaqət prinsipi ilə işə götürüblər.  İdarəetmə sistemi isə köhnədir, qeyri-demokratik, qeyri-şəffaf bir sistemdir. Təbii ki, nəticəsi də belə olmalı idi, - A.Qasımlı deyib.

Real islahatlar üçün  “kiçik hökumət” modelinə keçilməlidir. Ərazi bölgüsü vahidlərini dəyişmək, azaltmaq lazımdır. İcra hakimiyyətlərinin sayını azaltmaq lazımdır. “Eyni zamanda bələdiyyələrin səlahiyyətləri böyüməlidir, çoxalmalıdır. Bələdiyyə seçkiləri şəffaf, demokratik şəraitdə keçirilməlidir”, - o vurğulayıb.

Aparıcı kadrlar müasir və 21-ci əsrin fəlsəfəsinə uyğun olmalıdır.

 A.Qasımlının sözlərinə görə,  2019-cu ilin sonlarında Prezident Administrasiyası və Nazirlər Kabinetində islahatlardan sonra dövlət idarəetmə sisteminin effektivliyi artmayıb. “Bu, islahatların imitasiya idi və vəzifəli şəxslərin dəyişməsi ilə nəticələndi”, - Q.Qasımlı deyib.

Nazirliklərin, idarələrin, Prezident Administrasiyasının və Nazirlər Kabineti şöbələrinin mexaniki yenidən qurulması islahat demək deyil. Kiçik, lakin mobil və çevik hökumət modelinə keçmək lazımdır. Əgər söhbət Azərbaycanın klassik prezident respublikasına  keçməsindən gedirsə, o zaman Nazirlər Kabineti ləğv olunmalıdır. Onun funksiyalarını Prezident Administrasiyası həyata keçirməlidir. Prezident özü şəxsən idarəetməyə, bütün sahələrə cavabdeh olmalıdır. Azərbaycanda  icra orqanı səlahiyyətlərinin Nazirlər Kabinetində olduğu parlament respublikası da yoxdur.

Ölkədə nə birinci model var, nə ikincisi. Ona görə də dövlət idarəçiliyi az effektlidir, saxlanmasına çoxlu büdcə vəsaiti xərclənən çoxlu sayda bir-birini təkralayan qyrumlar var.

Baş prokurorun dəyişməsinə toxunan A.Qasımlı yeni bir şey gözləmədiyini söyləyib. Sadəcə, rəhbərliyi dəyişiblər, prokurorluqda real islahatlar yoxdur və qurumun rəhbəri əvvəlkitək siyasi hakimiyyətdən asılıdır.16D06-