Mustafa Hacıbəyli: Bu, məhkəmə deyil, tamaşadır
Bakı/21.02.19/Turan: Məhkəmənin basta.info saytının işi üzrə bugünki qərarı qanunsuzdur. Bu fikri Turan agentliyinə saytın redaktoru Mustfa Hacıbəyli bildirib. Məhkəmə onu 5 il yarım müddətinə şərti azadlıqdan məhrumetmə cəzasına məhkum edib.
"Mənə bəraət verməli, cinayət işini isə əsas olmadığı üçün bağlamalı idilər. Nə istintaq, nə onun şahidləri məhkəmədə təqsirimin hər-hansı sübutunu təqdim etməyiblər, vəsatətlərimiz təmin edilməyib. Ən əsası, istintaq bizim məqalələrdə məhz hansı ifadələrin qanun pozuntusu olduğunu heç cür izah etməyib", deyə redaktor bildirib.
"Məhkəmənin qərarından apellyasiya veriləcək, baxmayaraq ki, biz məhkəmələrimizdən ədalət gözləmirik, daha sonra digər məhkəmə instansiyalarına müraciət edəcəyik və beləcə iş Avropa İnsan Hüquqları Məhkəməsinə qədər gedib çatacaq", deyə o bildirib.
Bu hökm onun jurnalistlik fəaliyyətinə necə təsir edəcək? Bu suala cavabda redaktor deyib ki, bu gün Azərbaycan prokurorluğu faktiki olaraq mətbuat üzərində senzura rolunu oynayır. Prokurorluqda bu internetdə və saytlarda nəşrləri izləməklə məşğl olan xüsusi xidmət yaradılıb. Bütün xoşagəlməz nəşrlərin müəllifləri təzyiqə məruz qalır və təqib olunur. Onlar çağırılır və tənqidə son qoymaq tələb olunur, razılaşmayanlara qarşı isə cinayət işləri açılır. Bu cür proseslər bir sıra digər saytlara və onların müəlliflərinə qarşı da gedir.
"Bu cür təzyiqlə təkcə mən qarşılaşmamışam. Buna baxmayaraq, jurnalistlik fəaliyyətimi və söz azadlığı uğrunda mübarizəni davam etdirəcəyəm", deyə redaktor qeyd edib.
* Bu gün Bakı Ağır Cinayətlər Məhkəməsi bastainfo.com saytının redaktoru Mustafa Hacıbəylini CM-in 309 (vəzifə səlahiyyətlərini aşma), 313 (vəzifə saxtakarlığı) və 281-ci (dövlət əleyhinə çağırış) maddələri ilə təqsirli bilərək, 5,5 il müddətinə azadlıqdan məhrum edib. -03B-
Sual-cavab
-
Ölkənin ən təcrübəli dövlət və siyasət adamlarından biri Sadettin Tantan Turan İnformasiya Agentliyinin suallarını cavablandırdı
-
Al-Jazeera kanalı Türkiyə bürosunun əməkdaşı Yılmaz Akıncı “Peşimdeki melek” adlı xatirələr kitabının işıq üzü görməsindən sonra Turan İnformasiya Agentliyinin suallarını cavablandırdı
-
Sahibkarlığın və Bazar İqtisadiyyatının İnkişafına Yardım Fonduna rəhbərlik edən nüfuzlu ekspert Sabit Bağırov Turan agentliyinə eksklüziv müsahibəsində BMT-nin İqlim Dəyişikliyi haqqında Çərçivə Konvensiyasının tərəflərin 29-cu Konfransının (KX29) ev sahibi kimi ölkənin qarşıdakı roluna işıq salır.
-
Nigar Köçərli 20 illik aktiv biznesində 10 kitab mağazasından ibarət şəbəkə yaradıb və daha iki mağaza açmağı vəd edir. Ali&Nino mağazaları Azərbaycanda hər yerdə tanınır, təkcə orada satılan yerli və...
Rəy yaz