Ehtiyacdan musiqi alətləri düzəldən usta

Cəlil Məmmədquluzadə küçəsi 42 ünvanında yerləşən bu dükan Rəşid Məmmədova məxsusdur. R.Məmmədov 30 il Layihə universitetində çalışıb. Maaşı az olduğuna görə ehtiyacdan musiqi alətləri düzəltməyə başlayıb. O, 1975-ci ildən etibarən bu sənətlə məşğul olur. Bir vaxtlar müxalif düşərgədə olduğu üçün işlədiyi universitetdən də kənarlaşdırılıb. Əvvəllər alıcıların sayı çox olsa da, hazırda alıcı qıtlığının yarandığını deyir:"Əvvəllər ayda bir dəfə tar satılırdı. İndi isə ildə bir dəfə ancaq sata bilirik". Bu günə kimi R.Məmmədov çoxlu sayda tar, saz, bəntar, çoğur alətləri düzəldib. O, musiqi alətlərini necə düzəltməsindən danışıb. Özünün dediyinə görə, səhər tezdən axşam saat 7-ə kimi dükanda olur. Bir neçə il öncəyə kimi gününün çox hissəsinin burada keçirirmiş. İndi isə həm səhhətinə görə, həm də alıcı olmadığından dükanda çox qala bilmir.