İnvestisiya qaydaları yenidən yazılır: Kapital cəlb edərkən dövlət səlahiyyətlərini gücləndirir

Azərbaycan fiskal sistemini yenidən qurmağa çalışır və vergi sistemini iqtisadi idarəetmənin daha təkmil alətinə çevirməyi hədəfləyir. Bakıda keçirilən “Vergi sisteminin gələcəyinə baxış: yeni idarəetmə modeli və data əsaslı qərarlar” adlı forum hakimiyyətin fiskal siyasəti modernləşdirmək və məlumatlara əsaslanan qərarverməni iqtisadi idarəetmənin mərkəzinə qoymaq niyyətini vurğulayıb.

Azərbaycanın dövlət maliyyə sisteminə nəzarəti gücləndirmək istiqamətində atdığı son addımlar resurslara əsaslanan iqtisadiyyatlar üçün xarakterik olan bir dilemmanı əks etdirir: fiskal idarəetməni modernləşdirmək, lakin bunu həmin sistemi formalaşdıran institutları köklü şəkildə dəyişmədən həyata keçirmək mümkündürmü?

ABŞ-da Donald Trampın hakimiyyətə yenidən qayıdışından sonra yeni daxili və xarici siyasət kursundan qaynaqlanan radikal dəyişikliklər dünya bazarlarına da təsirsiz ötüşmür. Belə təsirlərin getdikdə daha geniş diapozonda müşahidə ediləcəyi şübhəsizdir. Görsənən odur ki, bundan ən çox təsirlənən enerji və qiymətli kağızlar bazarı olacaq. Həmin bazarlarda baş verən dəyişikliklərin Azərbaycanda təsirləri ilk növbədə Azərbaycan Respublikası Dövlət Neft Fondunun (ARDNF) və Azərbaycan Respublikası Dövlət Neft Şirkətinin (ARDNŞ) fəaliyyətində hiss ediləcək. Odur ki, bu yazıda ARDNF-nin mövcud durumunu və investisiya siyasətinin dəyərləndirməyə çalışacagıq.

Təsis olunmasının 25-ci ildönümünü qeyd edən Azərbaycan Respublikası Dövlət Neft Fondunun (ARDNF)[1] büdcə layihəsinə Hesablama Palatasının rəyi 2018-cu ildən etibarən dərc edilir[2].  Bundan əvvəl, ARDNF-in büdcə layihəsi Hesablama Palatasının rəyi olmadan ölkə prezident tərəfindən  birbaşa  təsdiq olunurdu. Lakin, "Büdcə sistemi haqqında" Azərbaycan Respublikasının Qanunda[3]  16 dekabr 2016-cı il tarixli dəyişikliklə[4] Azərbaycan Respublikasının Hesablama Palatasına ARDNF-nin büdcəsinin layihəsi və icrasına dair Rəy hazırlamaq səlahiyyəti verildi.