Aldadılan vətəndaşlar hesabına yaşamaq ... gözəldir

Daşınmaz əmlak bazarına ildə yüz milyonlarla vəsait qoyulur. Vətəndaşlar müxtəlif obyektlər alır və əsasən mənzilə üstünlük verilir. Kimsə evlənir, kimsə uzun müddətə topladığı vəsaitlərlə şəraitini yaxşılaşdırır.

Bu seqment şəffaflıq tələb edir. Bu, evtikənlər və rieltorlar da daxil, daşınmaz əmalk bazarı iştirakçılarınına aiddir. Vəziyyət dəyişibmi? Turan-ın müxbiri  “Rieltorlar Assosiasiyası” İB-nin icraçı direktoru Elnur Azadov ilə söhbətində bu suala cavab istəyib. Ekspertin fikrincə, mənzil məsələsi, «nazik məsələdir», çünki mənzil tikintisi xeyli pul tələb edir. Bu isə nəzarət tələb edir. «Milyonların dövr etdiyi yerdə nanəcib biznesmenlər də olur. Xətai rayonundakı səs-küylü «böyük tikintini» nümunə gətirək. 2006-cı ildə «Sahil D Compani» MMC eyni vaxtda F.Bayramov küçəsində 4 ədəd 24 mərtəbəli bina tikməyə başladı. İdeyaya əsasən, mənzillər müxtəlif kateqoriya alıcılar üçün əlçatan olmalı idi. Vətəndaşlarla müqavilələr bağlandı, amma 10 ildir, kimsə mənzilinə köçməyib. Əvvəlcə MMC-nin rəhbəri İlham Qasımov ilə «çəkişmə» başladı. Evlərin istismara verilməsini gözləyən türkiyəli tərəfdaşlar da ona qarşı iddia qaldırdı. Amma nə ödənilən hesablar, nə müqavilələr sahibkara təsir etmədi. Şikayətçilər Prezident Administrasiyasına kimi şikayət edəndən sonra biznesmen həbs edildi», - deyə o bildirir.

Ekspertin fikrincə, bu, ciddi həyəcan siqnalıdır. Məhkəmə instansiyalarının hərəkətsizliyi nəticəsində yüzlərlə insan evsiz qalıb. Bundan başqa, xarici investorlarda yerli tikinti sektoruna şübhələr yaranıb. Türkiyəli Mərcan ailəsi (Həsən, Əli Mövlana, Əbubəkr) bu günlərdə Azərbaycan ictimaiyyətinə müraciət edərək «Sahil-D Kompani» MMC ilə əməkdaşlığın bir sıra aspektlərinə aydınlıq gətirib. Həbs edilən İlham Qasımovun qohumları və vəkilləri bildirir ki, guya türklər təyin etdikləri direktor vasitəsilə binanın tikintisinə mane olublar. Burda məntiq varmı? Axı tikintiyə milyonlarla dollar qoyan insanlar evin tezcə tikilib istifadəyə verilməsində maraqlı olur. Əksinə, bu dövrdə İlham Qasımov və ikinci təsisçi Sahib İbrahimov xarici inveestorları və yerli sakinləri aldadıb. Türkiyə tərəfinin qanuni təmsilçisi Aynur Şıxıyeva redaksiyaya bildirib ki, türklər “Rieltorlar Assosiasiyası”na müraciət ediblər. Satış meneceri Elnur Azadov təsdiq edib ki, kompleksdəki mənzillər satıla bilməz – tikinti normaları pozulub. Demək, əmanətçilər aldadılıblar və öz pullarına keyfiyyətli mənzillər ala bilmirlər. Bu evlər üçün yeni alıcı da yoxdur, çünki kimsə illərlə topladığı pulları havaya xərcləmək, dələduzluq sxemi ilə tikilən obyektlə əlaqədə olmaq istəmir. Bundan başqa, Türkiyə tərəfinə məxsus 10 min kv m mənzil 3 və daha çox dəfə satılıb. Hazırda çoxsaylı iddialar üzrə məhkəmələr gedir. «Sahil-D Kompani» MMC-nin təsisçiləri Qasımov və İbrahimov istintaq hərəkətləri zamanı təqsiri bir-birinin üzərinə atır – guya mənzilləri onlar yox,  pis şərikləri, o cümlədən Adikovun özünün təyin etdiyi MMC-nin rəhbəri Adilağa Hüseynov satıb.

İndiyədək Mərcan ailəsi massivin tikintisinə $4 mln qoyub, mənfəət və ya kompensasiya kimi heç nə əldə etməyib. Daha bir məqam – müxtəlif məhkəmə instansiyalarında Qasımov hipotetik mənzillərə vəsait qoyanlardan əlavə vəsait tələb edir, həmçinin nüfuzlu türk iş adamlarına, arxalarında nələrin baş verdiyindən xəbəri olmayan bəzi məmurlara istinad edir.

Yeri gəlmişkən, Aynur Şıxıyevanın sözlərinə görə, türklər qeyd olunan fırıldaqçılar, həmçinin işin mahiyyətini gizlədən bəzi KİV-lər tərəfindən adlarından istifadə edildiyi halda, ona məhkəməyə müraciət etmək səlahiyyəti verib. İş o yerə çatıb ki, Türkiyənin Azərbaycandakı səfirliyi hadisələrdən xəbərdar olub, prosesi diqqətlə izləyir, AR XİN-ə müvafiq nota göndərib və istəyir ki, ədalət zəfər çalsın, ölkənin reputasiyasını beynəlxalq sahibkarla ictimaiyyətinin gözündə korlayanlar isə xarici biznesi qorxudan digər natəmiz adamlara görk olması üçün cəzalandırılsın.
Nəhayət, bir neçə məsləhət. «Daşınmaz əmlakın alqı-satqısı və ya icarəsi üzrə əqd tərtib edilərkən yazılı müqavilə bağlamağa çalışın. Tövsiyə edirəm, xoşagəlməz sürprizlərdən uzaq olmaq üçün müqavilə bəndləri ilə əvvəlcədən diqqətlə tanış olun», - deyə E.Azadov bildirir. --17D—