Böyük Şərq
-
Rusiyadan böyük miqdarda təzminatla yanaşı, 8 dekabrda devrilən diktator Bəşər Əsədi tələb etmək Ankaranın Dəməşqə verdiyi ağlın məhsuludur: dövlət başçısı Putinin Orta Şərq üzrə özəl təmsilçisi Mixail Boqdanovun Dəməşqdə keçirdiyi görüşün ertəsi günü mətbuat katibi Peskovun “Heyət göndərmək istəyirik” şəklindəki açıqlaması dialoq yollarını açmaqda Moskvanın çox çətinlik çəkdiyini göstərir. Bəli, Tartus və Lazkiyyə bazalarıyla yanaşı Xmeymimdəki hərbi kəşfiyyat stansiyasının taleyi də havadan asılı qalmışkən Dəməşqin müvəqqəti idarəsinin çox kəskin tələblərini Dmitri Peskov şərh etmək istəmədiyi kimi, bu tələblərin hansı güzəştlərlə minimizə ediləcəyi də məlum deyil.
-
PKK terror təşkilatının ömür boyu həbsə məhkum edilmiş başçısı Abdulla Öcalanın azad edilməsi üçün Milliyyətçi Hərəkat Partiyasının axıra qədər qərarlılıq nümayiş etdirəcəyi görünür. İşin görünməyən tərəfi MHP lideri Devlet Bahçelinin bu qərarlılığın mənbəyini haradan almasıdır: öz iradəsidir, yoxsa, xüsusilə Suriyada cərəyan edən proseslər çərçivəsində əldə edilmiş razılaşmada bu işin podratçılığını cənab Bahçeli öz üstünə götürdü?
-
Yanvarın 14-də Vaşinqtonda, ABŞ Dövlət Departamentinin binasında Ermənistanın xarici işlər naziri Ararat Mirzoyan və ABŞ dövlət katibi Entoni Blinken iki ölkə arasında strateji tərəfdaşlıq sazişi imzaladılar.
-
Ankara Suriyanın yeni lideri Əhməd əş-Şaaranın addımlarını gözləyərkən, həm də PKK-nın Suriya qolu PYD/YPG-yə müxtəlif vasitələrlə hər saat, hər gün təzyiq göstərir: Dəməşq şimal-şərqdə formalaşan kürd kantonlarından 'silahları torpağa basdırmağı' tələb edərkən, Ankara bu tələbi öz sərhədləri daxilində və Şimali İraqdakı terrorçulara daha qəti şəkildə çatdırır. 8 Dekabrda, Türkiyənin dəstəklədiyi bir təşkilatın Suriyanın şimal-qərbində Əsəd ailəsinin qaçmasından sonra hakimiyyəti ələ keçirməsi ilə, Türkiyə bu vəziyyətdən sürətlə faydalanmağa başlayıb. İndiyə qədər atılan addımların sürəti və dəqiqliyi bunu təsdiqləyir; açıqdır ki, Ankara bu günlər üçün illərlə əvvəldən yaxşı hazırlaşmışdır."
Rəy yaz