Ötən gün Böyük Şor qəsəbəsində yerləşən 1 saylı ciddi rejimli cəzaçəkmə müəssisəsinə qoşun yeridilib. Bu barədə dustaqların qohumları bildiriblər.
Bazar günü koloniyaya gələnlərə görüş verilməyib və onlar ərazidən uzaqlaşdırılıb. Koloniyadan qışqırıq, məhbusların çığırtı səsləri eşidilib.
Məhkumların qohumları hesab edirlər ki, buna koloniya yeməkxanasında və mağazalarda bahalıq səbəb ola bilər.
Öz növbəsində Penitensiar Xidmətin ictimaiyyətlə əlaqələr şöbəsinin rəisi Mehman Sadıqov koloniyaya qoşun yeridilməsi və məhkumların döyülməsi barədə məlumatları təkzib edib.
Ombudsman nümayəndələri koloniyada monitorinq keçirmək niyyətindədir, bu qurumun mətbuat xidməti bildirib.—16D06--
Cəmiyyət
-
Dövlət reyestrinə daxil edilməyən dərman vasitəsinin reseptə yazılmasına görə vəzifəli şəxslər (həkimlər) cərimələnəcək. Bunu edən həkimlərə 100-dən 150 manatadək, hüquqi şəxslərə isə 300-dən 400 manatadək cərimə nəzərdə tutulub. Bu, İnzibati Xətalar Məcəlləsinə əlavə kimi təklif edilən yeni -221.12-ci maddədə əksini tapıb.
-
Ölkənin lider mobil operatoru ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib Azercell-in daxili siyasət və prosedurlarının ISO 37001:2016 standartına uyğunluğu, şirkətin fəaliyyətinin şəffaflıq prinsiplərinə əsaslandığı beynəlxalq ekspertlər tərəfindən bir daha təsdiqlənib. Sertifikatlaşma auditini 16 oktyabr 2024-cü il tarixində ABŞ-ın ən böyük akkreditasiya qurumu olan ANAB-ın (ANSI National Accreditation Board) akkreditə etdiyi Türkiyənin Denetik Belgelendirme şirkəti həyata keçirib. Auditin nəticələri Azercell-in antikorrupsiya proqramının bütün tələblərinə cavab verdiyini bir daha sübut edib.
-
Dekabrın 12-də Bakıda və Abşeron yarımadasında hava buludlu olacaq, əsasən yağıntısız keçəcək, lakin gecəyə doğru bəzi yerlərdə arabir yağış yağacağı gözlənilir. Mülayim cənub-qərb küləyi səhər arabir güclənən şimal-qərb küləyi ilə əvəz olunacaq. Havanın temperaturu gecə müsbət 6+9, gündüz müsbət 9+3 dərəcə olacaq, Milli Hidrometeorologiya Xidməti bildirib.
-
Azərbaycan Nazirlər Kabineti 2025-ci il üçün Novruz, Ramazan və Qurban bayramları münasibətilə istirahət günlərini müəyyən edib. Müvafiq qərarı baş nazir Əli Əsədov imzalayıb.
Rəy yaz