Фото из открытых источников
Bakı/19.07.17/Turan: Daxili İşlər Nazirliyinin (DİN) Baş İctimai Təhlükəsizlik İdarəsi Dini Qurumlarla İş üzrə Dövlət Komitəsinin Bakinin Yasamal, Nizami, eləcə də respublikanın Gəncə, Şirvan, Quba, Tərtər şəhər və rayonlarında əməliyyat-baxış tədbiri keçirdikləri bildirilir. Tədbir satışına razılıq verilmiş dini təyinatlı ədəbiyyatın ixtisaslaşdırılmış satış məntəqələrindən kənarda satılması hallarının qarşısının alınması məqsədilə həyata keçirilib.
Bu haqda bu gün, iyulun 19-da Daxili İşlər Nazirliyi məlumat yayıb.
Məlumatda bildirilir ki, dini məzmunlu ədəbiyyat və başqa məmulatları lisenziyasız satdıqlarına görə 10 nəfər barəsində inzibati xəta protokolu tərtib olunub.
Həmin şəxslərdən 309 ədəd dini təyinatlı ədəbiyyat, 34 ədəd CD diskin götürüldüyü bildirilir.
Nazirlik büldirir ki, ümumilikdə, cari ilin 6 ayı ərzində "Dini etiqad azadlığı haqqında" Qanunun tələblərini pozmaqla qeyri-qanuni təbliğat apardıqlarına görə, 138 nəfər saxlanılıb. Polisə aparılan həmin şəxslərdən ümumilikdə 1066 ədəd dini ədəbiyyat, 102 ədəd CD və DVD, 16 ədəd audio kaset, 94 ədəd jurnal götürülüb.
1 fakt üzrə cinayət işi başlanıldığı bildirilir.
Qanunsuz təbliğata görə, məsuliyyətə cəlb edilənlərdən münasibət almaq mümkün olmayıb.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz