Фото из открытых источников

Фото из открытых источников

Bakı/19.07.17/Turan: Bakı-Tbilisi-Qars dəmir yolunun açılşı ən azı bu ilin sonadək yubanacaq.

Turan xəbər verir ki, bu haqda Bakıda keçirilən Azərbaycan, Türkiyə və Gürcüstan gömrük xidmətləri rəhbərlərinin üçtərəfli görüşündə məlumat verilib.

Görüşdə iştirak edən Türkiyənin gömrük və ticarət naziri Bülent Tüfenkci bildirib ki, Türkiyə Bakı-Tbilisi-Qars dəmir yolunun Türkiyə hissəsinin tikintisini 2017-ci ilin sonunadək başa çatdırmağı planlaşdırır.

"Bundan öncə Bakı-Tbilisi-Qars dəmir yolu layihənin icrası ilə bağlı müəyyən problemlər oldu. Ancaq bu problemləri artıq arxada buraxmışıq. Hazırda layihə ilə bağlı işlər gücləndirilmiş rejimdə davam etdirilir", nazir bildirib.

"Azərbaycan Dəmir Yolları" Qapalı Səhmdar Cəmiyyəti isə bu gün, iyulun 19-da Bakı-Tbilisi-Qars dəmir yolunun reallaşması istiqamətində işlərin sürətlə davam etdirildiyini xəbər verib.

Cəmiyyət dəmir yolunda görülən işləri əks etdirən video görüntülər paylaşıb.

"Bakı-Tbilisi-Qars" dəmiryolu xətti layihəsini 2007-ci il fevralın 7-də Tbilisidə, prezidentlər İlham Əliyev, Mikheil Saakashvili və Türkiyənin o zamankı baş naziri Recep Tayyip Erdoğan imzalayıb və həmin il noyabrın 21-də BTQ-nin təməli qoyulub.

Bu dəmiryolunun açılışı dəfələrlə ertələnib. 2016-cı ilin əvvəlində Türkiyə prezidenti Recep Tayyip Erdoğan dəmiryolunun həmin ilin dekabrında açılacağını bildirmişdi. 2016-cı ilin sonlarında Türkiyənin baş naziri Binali Yıldırım demişdi ki, sözügedən tikinti 2017-ci ilin birinci rübündə tamamlanacaq və dəmiryolu işə başlayacaq.

Sonuncu dəfə fevralda Türkiyənin nəqliyyat, dənizçilik və rabitə naziri Ahmet Arslan demişdi ki, Bakı-Tbilisi-Qars (BTQ) dəmiryolu bu ilin ortalarında istismara veriləcək.

Dövlət Neft Fondunun (DNF-nin) məlumatına görə, həmin layihəyə 2016-cı ilin oktyabrın 1-nə 619.8 milyon ABŞ dolları, o cümlədən ötən ilin 9 ayı ərzində 31.5 milyon ABŞ dolları vəsait ayrılıb. Azərbaycan hökuməti bu layihənin gerçəkləşməsində çox maraqlıdır. Dəmiryol xətti Ermənistandan yan keçdiyindən, Qərb dairələri BTQ-ni dəstəkləməyib. DNF-nin builki büdcəsində layihəyə 165 milyon 825 min manat ayrılması nəzərdə tutulub.

Rəy yaz

Siyasət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti