22 məhbusu vaxtından əvvəl azad etmək tövsiyə olunub
Vaxtından əvvəl şərti azadlığa buraxılma üzrə Komissiya Qaradağ rayonunun Puta qəsəbəsində yerləşən 13 nömrəli ümumi rejimli cəzaçəkmə müəssisəsindən 22 məhbusun azad edilməsini tövsiyə edib.
Martın 14-də ərizəçilərin özlərinin iştirakı ilə vaxtından əvvəl şərti azadlığa buraxılma haqqında 7 ərizəyə və azadlıqdan məhrumetmə cəzalarının 3/4 və 2/3-nün çəkilməsi ilə əlaqədar məntəqə tipli cəzaçəkmə müəssisəsinə köçürülmə haqqında 19 ərizəyə baxılıb.
Hüquq Müdafiə Şurasının üzvü Zalihə Tahirova iclasın nəticələrini şərh edərkən qanunsuz narkotik dövriyyəsi ilə bağlı işlər üzrə həbs edilənlərin sayının artdığını qeyd edib.
“Komissiyanın baxdığı işlər arasında 12-si və ya 46%-i narkotiklərlə bağlı idi. Onlar arasında həm narkotik satıcıları, həm də istehlakçıları var idi”, deyə o bildirib.
Narkodilerlərin sayının artması təkcə hüquq-mühafizə orqanlarının işinin nəticələrinin zəif olduğunu deyil, həm də bu çirkli biznesin yüksək gəlirliliyini göstərir.
Vaxtından əvvəl şərti azadlığa buraxılma üzrə Komissiyaya Ədliyyə Nazirliyinin əməkdaşları, həmçinin vətəndaş cəmiyyətinin nümayəndəsi daxildir. -0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz