Martın 14-də, gecə saat 03 radələrində “Təzadlar” qəzetinin baş redaktoru Asif Mərzilinin yaşadığı Bakının Xətai rayonu, Tağızadə küçəsindəki 11/15 nömrəli evin 34 saylı mənzili bir qrup şəxs tərəfindən yandırılıb. Jurnalist baş verən hadisənin sırf peşə fəaliyyəti ilə bağlı olduğunu bildirib.
A.Mərzili Turan-a deyib ki, evinə bir qrup şəxs basqın edib və mənzilinə benzin tökərək yandırıb.
“Yanğın baş verən zaman 5-ci mərtəbədəki qonşum görüb və dərhal bizi yuxudan oyatdı həyatımızı xilas etdi. Fövqəladə Hallar Nazirliyinin 101 xidmətinə zəng vurduq, qonşularla birgə evimin tam yanmasının qarşısını aldıq. Buna baxmayaraq, mənzilimdə 6 kvadrtametrədək sahə yanıb, pəncərələr, kabellər və digər avadanlıqlar əriyib tökülüb. Mənzilimə və binaya ciddi ziyan dəyib”, deyə o qeyd edib.
Jurnalistin dediyinə görə, hadisə ilə bağlı Xətai rayon Polis İdarəsinin İstintaq şöbəsində cinayət işi başlanıb, əməliyyat-axtarış tədbirləri davam etdirilir.
“Dünən Xətai rayon prokuroru Yusif İldırımzadə məni qəbul etdi. İstintaq prokurorluğun da nəzarətindədir”, deyə Mərzili bildirib.
Jurnalist istintaq sirri olduğuna görə, hadisənin detalları ilə bağlı danışmayıb.
“Sadəcə deyə bilərəm ki, bu, birbaşa peşə fəaliyyətim və son dövrlər şikayətçilərin ərizələri əsasında qəzetdə dərc edilən araşdırma yazıları ilə bağlıdır. Sırf üstündə durduğum məqamlar da var. Son dövrlər nüfuzlu şəxslər, o cümlədən biznes sahəsində nüfuzlu şəxslərlə bağlı yazılar dərc etmişik. Onlardan biri bizi hətta məhkəməyə də verib. Şübhələrimiz var”, deyə o qeyd edib. -03B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz