Açiq mənbələrdən foto.
Bakı/01.06.21/Turan: Turan agentliyi iki gündür ki, mayın 25-də Kürdəxanı-Zabrat yolunda maşını Təbriz Gülalıyevin maşını ilə toqquşan Aynur Əhmədovanın vəziyyəti haqqında məlumat ala bilmir.
Daxili İşlər Nazirliyinin 25 may tarixli məlumatına görə, Gülalıyev orta ağır dərəcəli, Əhmədova isə ağır xəsarət alıb. Sonradan məlum olub ki, Əhmədova evdədir, Gülalıyev isə xəstəxanada üzündən ağır əməliyyat gözləyir.
Turan Daxili İşlər Nazirliyindən yanlış məlumatın səbəbini öyrənməyə çalışıb. Burada məlumatı verən 3 saylı Şəhər Xəstəxanasının həkimlərinə müraciət etməyi məsləhət görüblər.
3 saylı Şəhər Xəstəxanasından Əhmədovanın atasının adını və doğum tarixini söyləmədən məlumat verməkdən imtina ediblər, sanki qəza günü xəstəxanaya iki və daha çox Aynur Əhmədova düşüb.
İcbari Tibbi Sığorta üzrə Dövlət Agentliyi Turan agentliyinin müraciətinə cavab olaraq nəzarəti altında olan Tibbi Ərazi Bölmələrini İdarəetmə Birliyinə (TƏBİB) Əhmədova ilə bağlı Turan agentliyinə məlumat verməyi tapşırıb.
3 saylı Şəhər Xəstəxanası idarəetməsində olan TƏBİB iki gündür söz verir, amma hələ də məlumat vermir.
Bütün bunlar maraqlı dövlət qurumlarının müəyyən vəzifəli şəxslərinin bu yol-nəqliyyat hadisəsinə, yumşaq desək, qərəzli yanaşması barədə şübhələri artırır.
Turan xatırladır ki, məlumat sahibləri İnformasiya əldə etmək haqqında, Kütləvi informasiya vasitələri haqqında, Korrupsiya haqqında qanunları kobud şəkildə pozurlar və qanunvericiliklə nəzərdə tutulmuş qaydada məsuliyyət daşıyırlar.
Xatırladaq ki, mayın 25-də yol-nəqliyyat hadisəsinə düşən Təbriz Gülalıyev 2019-cu il oktyabrın 29-da yol-nəqliyyat hadisəsindən sonra həkimlərin təqsiri ucbatlından komaya düşən və hələ də faktiki olaraq iflic vəziyyətində olan hüquq müdafiəçisi Oqtay Gülalıyevin oğludur. Prokurorluq 9 aydan çoxdur həkimlər barəsində işi araşdırır. -0-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz