“Çətin sual”: Əmək və Əhalinin Sosial Müdafiəsi Nazirliyi və TƏBİB əlilliyin müəyyən edilməsi ilə bağlı fəaliyyətlərini razılaşdırmalıdır

Bakı/01.06.21/Turan: Mayın 31-də bir qrup əlil və qeyri-hökumət təşkilatı rəhbərləri Tibbi Ərazi Bölmələrini İdarəetmə Birliyi (TƏBİB) qarşısında aksiya keçiriblər. Onlar əlillərə pensiya verilməsini dayandırılması, əlillik kateqoriyası alınması ilə bağlı və müalicə zamanı qarşılaşdıqları çətinliklər, dərmanlarla kifayət qədər təmin olunmamaları və müharibə veteranlarının işə düzəlməsində problemlərlə bağlı etiraz ediblər.

“Çətin sual” verilişinin aparıcısının problemdən irəli gələn suallarını Qarabağ Qaziləri Birliyinin sədri Asəf Əliyev və valideynlərin “Əl-ələ” ictimai birliyinin sədri Əhməd Rəhmanov cavablandırıb.

Martın 10-da Əmək və Əhalinin Sosial Müdafiəsi Nazirliyinin binası qarşısında əlillərin aksiyası keçirilib, onlar əlillik kateqoriyasının müəyyən edilməsi üzrə mövcud təlimatların tətbiq edilməsinə etiraz ediblər,deyə Rəhmanov bildirib.

Nazirlik öz meyarlarını TƏBİB-lə razılaşdırmalıdır. Bu idarələrin meyarları fərqlidir, bu da əlillik puluna ehtiyacı olanlar üçün problemlər yaradır.

“Hazırda Nazirlik yeni normativlər hazırlayır. Amma TƏBİB-in bu normativləri qəbul edib-etməyəcəyi aydın deyil”, deyə o qeyd edib.

Əliyev əlilliyin müəyyən edilməsi prosedurunun elektron formata keçirilməsi ilə bağlı yaranan yeni çətinliklərə toxunub. Avropa normalarının kor-koranə tətbiq edilməsi Qarabağ veteranlarının əksəriyyətinə əlillik verilməməsinə gətirib çıxarır. Kontuziya alan veteranlar əlillik ala bilmir.

“Müharibədə xəsarət alanlarla digər əlillərə eyni meyarları tətbiq etmək olmaz”, deyən Əliyev müharibə veteranlarının ağır psixi pozğunluqlarına toxunur.

Əliyev bu məsələləri tənzimləyən qanunlara dəyişiklik edilməsində israr edir.

Amma vətəndaşların layiq olmadan əlillik aldığı faktlar da az deyil.

Verilişin aparıcısı qeyd edib ki, Əmək və Əhalinin Sosial Müdafiəsi Nazirliyi yoxlama aparır və 17 mindən çox yanlış əlillik verilməsi hadisəsi aşkar edib. -0-