İyunun 30-da Azərbaycan prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu 2015-ci ilin II yarısı üçün 34 qəzetə 1 milyon 243 min manat maliyyə yardımı ayırıb.
Kütləvi İnformasiya Vasitələrinin İnkişafına Dövlət Dəstəyi Fondunun məlumatına görə, müsabiqəyə layihə təqdim etmiş 34 qəzetin hamısına maliyyə yardımı ayrılıb.
Müşahidəçilər yardım ayrılmış qəzetlərin böyük əksəriyyətinin iqtidar və ya iqtidaryönlü qəzetlər olduğunu bildirir. Məsələn, dəfələrlə maliyyə böhranı ilə bağlı bəyanatla çıxış edən ölkədə ən çoxtirajlı qəzetlərindən olan “Azadlıq” qəzeti yardım alanların siyahısında deyil.
Ən çox maliyyə yardımı 60 min manatdır: “Kaspi”, “Kaspiy”, “Mövqe”, “Yeni Azərbaycan”, “Səs”, “Yeni Müsavat”, “Palitra”, “Ədalət”, “Bakı Xəbər”, “525-ci qəzet”, “Ekspress”.
Bu qəzetlər 40 min yardım alıb: “Həftə içi”, “Azad Azərbaycan”, “Şərq”, “Xalq Cəbhəsi”, “Futbol+Qol”, “Bizim Yol”, “Olaylar”.
Üç qəzetə 30 min verilib: “Futbol+”, “Üç nöqtə”, “Azernews”.
Digər qəzetlərə isə 20 min və 9 min manat verilib. Məsələn, “Hürriyyət” qəzetinə cəmi 9 min yardım verilib.-03B-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz