Bakı Apellyasiya Məhkəməsi dekabrın 29-da Fəvvarələr Meydanında etiraz aksiyasında iştiraka görə həbs edilmiş 6 gənc fəalın şikayətini təmin etməyib.
Bu barədə Turan-a təqsirləndirilənlərdən ikisinin – Tural Sadıqlının və Cavid Hacıbəylinin hüquqlarını müdafiə edən vəkil Nemət Kərimli bildirib. Maraqlıdır ki, Sadıqlının şikayətinə dünən vəkilin xəbəri və iştirakı olmadan baxılıb.
Digər 5 fəalın şikayətlərinə yanvarın 10-da baxılıb və onlar da təmin edilməyib.
Həbs edilənlərdən 4-nün ümumiyyətlə vəkili yoxdur.
Xatırladaq ki, dekabrın 29-da Qarabağ əlili Zaur Həsənovu intihara sövq edən məmur özbaşınalığı ilə bağlı etiraz aksiyası keçirilib.
Səbail rayon məhkəməsi Müsavat Partiyasının fəalı Orxan Eyyubzadəni bu aksiyada iştiraka görə 18 gün inzibati həbs cəzasına məruz qoyub. Həmin partiyanın üzvü Tural Sadıqlı 17 gün müddətinə həbs edilib. Müsavat Partiyasının fəalı Cavid Hacıbəyli və AXCP üzvü Orxan Carçı 16 günlük həbs cəzası alıb. Daha bir AXCP fəalı Türkel Əlisoy və bitərəf Samir Poladov 15 gün müddətinə həbs edilib. Daha 16 nəfər 300-600 manat məbləğində cərimə olunub. -16B06-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz