Bakı/29.01.18/Turan: Yanvarın 28-də Vəkillər Kollegiyasının Dövlət İmtahan Mərkəzi ilə birgə vəkilliyə qəbul üzrə keçirdiyi test imtahanının nəticələrinə görə 607 nəfər 60 və daha yüksək bal toplayıb. Keçid balını toplayan şəxslər şifahi müsahibələrdə iştirak edəcək.
Xatırladaq ki, 1966 nəfər hüquqşünas vəkil olmaq üçün namizədliyini irəli sürüb və 3 saat davam edən imtahanda bilavasitə 1873 nəfər iştirak edib, onlardan 607 nəfəri 60 və daha yüksək bal toplayıb ki, bu da iştirakçıların 32,4 faizini təşkil edir.
Bu barədə Vəkillərin İxtisas Komissiyası məlumat yayıb.
2017-ci il sentyabrın 1-də Azərbaycan əhalisinin sayı 9,9 milyon nəfər olub. Vəkillər Kollegiyasının 934 üzvü var. Orta hesabla ölkədə 10 min nəfərə 1 vəkil düşür. Bu, Avropada ən aşağı göstəricisdir.
Yerli medianın yazdığına görə, vəkillərin yeddi yüzdən çoxu paytaxt Bakıda fəaliyyət göstərir. Ölkə məhkəmələrində il ərzində orta hesabla 350-400 min məsələ mübahisələndirilir.
Ötən ilin oktyabrında "Vəkillər və vəkillik fəaliyyəti haqqında" Qanuna, Mülki və İnzibati Prosessual məcəllələrə dəyişikliklər edildikdən sonra ölkədə nümayəndəlik institutunun fəaliyyəti məhdudlaşdırılıb. Vəkillər Kollegiyasının üzvü olmayanlar məhkəmələrdə vətəndaşların hüquqlarını müdafiə edə bilməzlər. -03B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz