Bakı/28.08.19/Turan: Yeddi il öncə barəsində axtarış elan edilən və qiyabi həbs-qətimkan tədbiri seçilən Azərbaycan vətəndaşı Elnur Hüseynov Azərbaycan Dövlət Gömrük Komitəsinin (DGK) əməkdaşları tərəfindən Türkiyədə saxlanılaraq Bakıya gətirilib.
Bu barədə DGK Mətbuat və İctimaiyyətlə Əlaqələr İdarəsi məlumat yayıb.
Məlumatda deyilir ki, Elnur Hüseynov külli miqdarda psixotrop maddənin satış məqsədilə qanunsuz yolla əldə edilməsi, saxlanması, daşınması və qaçaqmalçılığını həyata keçirən sabit cinayətkar qrup - mütəşəkkil dəstənin rəhbəri olub.
Azərbaycan gömrükçüləri həmin dəstənin izinə 2011-ci ilin oktyabrında törədilən cinayət işini araşdırarkən düşüb.
İstintaqla müəyyən edilib ki, cinayətkar qrupun rəhbəri Elnur Hüseynov İrandan külli miqdarda psixotrop maddəni Azərbaycanın gömrük sərhədindən tranzit qaydada keçirməklə İrandan Tailand və Malayziya krallıqlarına göndərməyi planlaşdırıb.
Həmin vaxt müəyyən edilib ki, dəstənin digər üzvləri olan Azərbaycan vətəndaşları - Yeganə Cabbarzadə, Bayram Rzayev və Əfqan Bağırov Bakı Ağır Cinayətlər Məhkəməsinin hökmü ilə hər biri 11 il müddətinə azadlıqdan məhrum etmə cəzasına məhkum edilib.
Cinayət işinin istintaqı zamanı qrupun üzvü olan 4 nəfər Azərbaycan vətəndaşı - Ruslan Quliyev, Nəbi Abdullayev, Niyamərrin Ələkbərov və İradə İsmayılova psixotrop maddələrin qaçaqmalçılığı ilə bağlı Malayziyada, digər Azərbaycan vətəndaşı - Rəşad Məmmədov Birləşmiş Ərəb Əmirliklərində saxlanıldığı müəyyən edilib.
Nəhayət, 7 il sonra - bu ilin avqustunda Elnur Hüseynov Dövlət Gömrük Komitəsinin əməkdaşları tərəfindən Türkiyənin İstanbul şəhərində saxlanılıb və Azərbaycana gətirilərək DGK Əməliyyat-İstintaq Baş İdarəsinə təhvil verilib.
Cinayət Məcəlləsinin 206.4, 234.4.1 və 234.4.3-cü maddələri ilə Hüseynov Elnur Elxan oğluna ittiham elan edilərək barəsində həbs qətimkan tədbiri seçilib. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz