Azərbaycanda həbs edilmiş jurnalist Xədicə İsmayılova, habelə Suriya və İranda həbs edilmiş amerikalı reportyorlar Ceyson Rezaian və Ostin Tayke ABŞ Milli Mətbuat Klubunun Azadlıq uğrunda mükafatına layiq görülüb. Təltifetmə mərasimi dünən Vaşinqtonda keçirilib, xəbəri Turan-ın müxbiri verib.
"Biz bu jurnalistlər azad edilənə və fəaliyyətlərini bərpa edənə qədər onlar uğrunda mübarizəni dayandırmayacağıq", deyə ABŞ Milli Mətbuat Klubunun prezidenti Con Hyuz bildirib.
Hər il keçirilən mərasimdə mətbuat azadlığı sahəsində ən nüfuzlu mükafatlardan birinin təqdim olunmasını qeyd etmək və həbsdə olan həmkarlarının dəstəkləmək üçün jurnalistlər və KİV rəhbərləri iştirak ediblər.
İsmayılovanın bu mükafata namizədliyini Azadlıq radiosunun rəhbəri Nenad Pejiç irəli sürüb.
O, Azərbaycan rəhbərliyinin korrupsiya faktları ilə bağlı araşdırmalarına görə həbs edilib. "Bu mükafat Xədicənin şücaətinə verilən qiymətdir, amma eyni zamanda, hamımız üçün onun həbsini pisləmək və azad edilməsini tələb etmək çağırışıdır", deyə o bildirib. -25В-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz