Dr Loretta Johnson, Secretary Treasurer, AFT USA
ABŞ Müəllimlərin Həmkarlar İttifaqı Azərbaycanda müəllimlərin siyasi baxışlarına görə işdən azad edilməsindən �şoka düşüb�
Vaşinqton/12.05.17/Turan: Amerika Müəllimlər Federasiyası (AFT) Azərbaycanda müəllimlərin siyasi baxışlarına görə təqib olunmasını pisləyib.
"Amerika Müəllimlər Federasiyasının 1,6 milyon üzvü adından yazıram ki, siyasi partiya mənsubiyyətinə görə hədələrə məruz qalan, sonra isə işdən azad edilən Azərbaycan müəllimləri haqqında eşitdikdə yaşadığımız sarsıntını ifadə edim", deyə AFT-nin katibi Loretta Conson Azərbaycan prezidenti İlham Əliyevə müraciətində yazır, xəbəri Turan-ın Vaşinqton müxbiri verib.
Azərbaycanda müəllimlər bir çox fəallarla birlikdə repressiyaların mərkəzindədirlər və bir neçə müəllim aprelin 8-də Bakıda müxalifətin mitinqində iştiraka görə işdən çıxarılıb.
"Bu, onlarla fəalın, jurnalistin və siyasi rəqiblərin həbslərindən ibarət narahatlıq doğuran modelin elementlərindən biridir. Baş verənlər hüquq müdafiəçilərini ölkənizdə vətəndaş cəmiyyətinin iflic və mühasirə vəziyyətində olduğunu təsvir etməyə məcbur edib", deyə Loretta Conson yazır.
Yerli KİV-in məlumatına görə, aprelin 27-də Xalq Cəbhəsi Partiyasının üzvü Əflatun Əhmədli fizika müəllimi işlədiyi Neftçala rayonunun Mayak kəndinin 1 nömrəli məktəbində işdən azad edilib.
Onun həyat yoldaşı, yenə AXCP üzvü Ülkər Əhmədli 3 nömrəli məktəbdə rus dili müəllimi vəzifəsindən azad edilib.
Ötən həftə başqa bir müəllim, AXCP fəalı Cəlil İmanov da kənd məktəbində tarix müəllimi vəzifəsindən azad edilib.
Azərbaycan hökuməti təxminən 25 il əvvəl vətəndaş hüquqları və siyasi hüquqlar haqqında Beynəlxalq Pakta qoşulub, vətəndaşların hüquqlarına, o cümlədən söz azadlığına, toplaşmaq azadlığına və seçki hüququna hörmət etmək öhdəliyi götürüb.
"Hökumətinizin növbəti addımları Azərbaycanda vətəndaş hüquqları və siyasi hüquqlar üçün əhəmiyyətli olacaq.
AFT insan hüquqlarının müdafiəsinə, şəffaflığa və düzgün idarəetməyə çağıran bütün Azərbaycanlıların işlərini dəstəkləyir", deyə Conson məktubunda bildirir.
* Amerika Müəllimlər Federasiyası tələbələr, onların ailələri və icmalar üçün ədaləti, demokratiyanı, iqtisadi imkanları və yüksək keyfiyyətli ictimai təhsili, səhiyyə və ictimai xidmətləri təmin edən həmkarlar ittifaqıdır. -25B-
-
- Enerji
- 12 May 2017 09:34
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz