№7 özül gözləyir

Bakı/12.05.17/Turan: "Günəşli" yatağındakı №7 özüldə iki istismar quyusunda hasilat dayandırılıb..

Cümə axşamı SOCAR №7 özüldə qəza riskini minimuma endirmək üçün bütün qazma işlərini dayandırıb. "Hazırda mütəxəssislərdən ibarət operativ qrup yaxındakı özüllərdən və hazır vəziyyətdə növbə çəkən gəmilərdən vəziyyətə nəzarət edir", - deyə şirkət məlumat verir.

Məlumatda bildirilir ki, 7 saylı dərin dəniz özülündə qazılan 319 saylı quyuda qazma vaxtı gil məhlulunda udulma baş verib, nəticədə qaz təzahürü əmələ gəlib.

Sonradan özülün yaxınlığında dəniz səthində qaz qabarcıqları ilə müşayiət olunan anormal su axını (qrifon) əmələ gəlib və get-gedə artmağa başlayıb.

SOCAR-ın prezidenti Rövnəq Abdullayev vəziyyəti yerində qiymətləndirmək üçün özülə gedib və bütün işçi heyətin tam tərkibdə təxliyə olunması haqqında tapşırıq verib", - deyə məlumatda bildirilir.

Şirkət bildirir ki, qaz sızması qazma vaxtı gil məhlulunda udulma baş verib. Lazımi tədbirlər görülüb, quyunun ağzı bağlanıb, quyuağzı parametrlər nəzarət altına alınıb.

SOCAR "Günəşli" yatağındakı №7 özülü 14 mart 2016-cı ildə istismara verib. Özül dənizin 148 dərinliyindədir və 20 istismar quyusu qazılamsı üçün hesablanıb. Bunun 6-ı qaz, 14-ü neft quyusudur. №319 quyuda qazma işlərinə 27 aprel 2017-ci ildə başlanılıb.-0--

Rəy yaz

Enerji

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti