Ermənistan tərəfindən atəşkəs rejiminin pozulması nəticəsində Ağstafa rayonunun Köhnə Qışlaq kənd sakini, 16 yaşlı Kamran Tağıyev yaralanıb.
Gənc rayon xəstəxanasına yerləşdirilib, bu barədə Turan-a yerli hüquq-mühafizə orqanlarındakı mənbə bildirib.
Bu, avqustun əvvəllərindən etibarən Ermənistan-Azərbaycan sərhədində Azərbaycanın mülki şəxslərinin dördüncü yaralanması hadisəsidir. Bütün yaralananlar məktəb yaşında olan uşaqlardır.
Müdafiə Nazirliyinin məlumatına görə, Ermənistan Silahlı Qüvvələrinin bölmələri ötən gün atəşkəs rejimini 97 dəfə pozublar. Atəş Ermənistan və işğal edilmiş ərazilərdən açılıb. Xüsusən, Azərbaycan ordusunun Tovuz, Gədəbəy, Cəbrayıl, Füzuli, Ağdam, Tərtər, Goranboy və Göygöl rayonlarındakı mövqeləri atəşə məruz qalıb.
Azərbaycan tərəfi cavab atəşi açıb. -06D-
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz