Bəxtiyar Hacıyev
Aclığın 8-ci günündə Bəxtiyar Hacıyevin vəziyyəti pisləşib
Bakı/08.12.22/Turan: İctimai fəal Bəxtiyar Hacıyev səkkizinci gündür ki, Bakı 1 saylı İstintaq Təcridxanasında aclıq edir. Cümə axşamı ona baş çəkmiş vəkil Cavad Cavadov Turan-a bildirib ki, fəalın vəziyyəti pisləşib.
“Bəxtiyar bildirdi ki, bu gün təzyiqi aşağı olub -90/60, hərarəti isə 35,4-ə enib, nəbzi 76-dir. Gün ərzində daha yarım kilo arıqlayıb, çəkisi 79,5 kiloqrama enib. Beləliklə, artıq 5 kiloqram çəki itirib.
“Zəiflikdən bəzən tarazlığını itirir və yıxılmamaq üçün özünü saxlayır. Lakin azadlığa çıxana qədər aclığı davam etdirəcək”, - vəkil deyib.
Onun sözlərinə görə, ötən gün Bəxtiyarı təcridxananın sanitar hissəsinə köçürüblər.
Vəkil onu da bildirib ki, dekabrın 23-də Bakı Apellyasiya Məhkəməsində fəalın ev dustaqlığına buraxılmaması ilə bağlı şikayətinə baxılacaq.
"Biz Apellyasiya Məhkəməsinini həbs qətimkan tədbirini dəyişəcəyini gözləyirik", - Cavadov deyib. Onun sözlərinə görə, Hacıyevə qarşı irəli sürülən uydurma ittihamlar belə qanunvericiliyə əsasən, onun həbsinə yol vermir. Söhbət ictimai təhlükə törətməyən cinayətlərdən gedir.
Hacıyevi 1,5 ilədək həbs təhlükəsi gözləyir, baxmayaraq ki, qanunvericiliyə əsasən, əgər müttəhim 3 ildən artıq mühakimə edilməli olarsa, həbs cəzasına yol verilir. “Ümid edirik ki, məhkəmə həbs qərarını ləğv edəcək”, - vəkil deyib.
Xatırladaq ki, Bəxtiyar Hacıyev dekabrın 9-da xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu barəsində 1 ay 20 sutkalığa həbs edib. Müdafiə tərəfi bu qərardan apellyasiya şikayəti verib, Hacıyev özü isə məhkəmənin şikayəti təmin etmədiyi təqdirdə müddətsiz aclıq elan edəcəyini bildirib.
Dekabrın 15-də Apellyasiya Məhkəməsi Hacıyevin şikayətini təmin etməyib.
-
- Siyasət
- 22 Dekabr 2022 17:44
-
- Çətin sual
- 22 Dekabr 2022 19:11
Cəmiyyət
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
Rəy yaz