“Naxçıvan xanı” getdi. Növbə kimdədir? – Azər Qasımlı Çətin sual qarşısında

Bakı/22.12.22/Turan: Naxçıvanın Ali Məclisinin sədri Vasif Talıbov ötən gün istefa verdi. Naxçıvan Muxtar Respublikasının Ali Məclisinin fövqəladə sessiyası çağırılıb və orada V.Talıbovun istefayə verilməsi ilə bağlı ərizəsi səsləndirilib. V.Talıbovun səhhəti ilə əlaqədar istefaya getdiyi bildirilir.

Amma son zamanlar muxtar respublika ətrafında baş verən proseslər, yüksək rütbəli məmurların həbsləri Vasif Talıbovun başqa səbəblərdən istefaya getdiyini düşünməyə əsas verir.

Mediada yayılan məlumatlara görə, Vasif Talıbovla bağlı hakim Yeni Azərbaycan Partiyasının yuxarı eşelonunda da müzakirələr aparılıb.  Yazılanlara görə, YAP rəhbərliyində təmsil olunan bəzi şəxslər onun partiya sıralarından uzaqlaşdırılmasını tələb ediblər. Xatırladaq ki, V.Talıbov YAP Naxçıvan MR təşkilatının sədri və eyni zamanda partiyanın İdarə Heyətinin üzvüdür. Onun bir müddət əvvəl partiyanın yaradılmasının 30 illik yubileyi münasibəti ilə Bakıda keçirilən tədbirə buraxılmaması barədə xəbərlər də bu fikirləri bir qədər gücləndirir.

Ən diqqətçəkən məsələ isə son günlər bəzi media orqanlarında İkinci Qarabağ müharibəsinin bitməsindən 1 gün əvvəl Sədərək istiqamətində Rusiya helikopterinin vurulmasını Vasif Talıbovun təxribatı  kimi qələmə verirlər. Məhz bu səbəbdən Rusiya sülhməramlılarının Azərbaycana girməsinə hakimiyyətin razılaşmaq məcburiyyətində qaldığını yazanlar da var.

Siyasətçi, Siyasi Menecment İnstitutunun rəhbəri Azər Qasımlı Kamran Mahmudovun təqdimatında yayımlanan “Çətin sual” verilişində bu barədə danışır.