Mahir Abdullayevin Hüquqlarını İctimai Müdafiə Komitəsinin sədri Azad Mürsəliyev bu gün hüquq müdafiəçilərinin iştirakı ilə mətbuat konfransı keçirib. O, yanvarın 22-də başladığı aclığı davam etdirir. Yanvarın 27-də aclıq aksiyasına Mahir Abdullayevin daha dörd qohumu - Tehran, Nəzakət, Göyçək və Pərvizə Abdullayevlər də qoşulub.
Aclıq edənlərin əsasən üç tələbi var: Azad Mürsəliyevin və Elşad Abdullayevin (fəaliyyəti dayandırılmış Beynəlxalq Universitetin keçmiş rektoru, Mahir Abdullayevin Fransada mühacirətdə olan qardaşı) ailə üzvlərinin sərbəst yerdəyişmə hüququna qoyulmuş məhdudiyyət aradan qaldırılsın (onlar ölkə hüdudlarından kənara buraxılmır); Baş Prokuror yanında Müstəqil İstintaq Komitəsi Mahir Abdullayevin oğurlanması cinayətində iştirak etmiş şəxslərin məsuliyyətə cəlb edilməsi üçün əməli istintaq işləri aparsın; Elşad Abdullayevin ailə üzvlərinə qohumlarına qarşı təzyiqlərə, qanunsuz və repressiv hərəkətlərə son qoyulsun.
“Aclıq aksiyamızın tələbləri ilə bağlı hələ də rəsmi münasibət bildirilməyib. Biz istəyirik ki, Müstəqil İstintaq Komitəsi Mahir Abdullayevin oğurlanması üzrə cinayət işi üzrə əldə edilmiş irəliləyişlər, kimlərin məsuliyyətə cəlb edilməsi barədə məlumat versin”, deyə Azad Mürsəliyev qeyd edib.
Fəaliyyəti dayandırılmış Azərbaycan Beynəlxalq Universitetinin (ABU) keçmiş rektoru Elşad Abdullayevin qardaşı, Milli Təhlükəsizlik Nazirliyinin mayoru Mahir Abdullayev 2003-cü il oktyabrın 13-də oğurlanıb. M.Abdullayevin oğurlanması ilə bağlı istintaq indiyədək kimləri isə məsuliyyətə cəlb etmədi ilə bağlı məlumat yaymayıb.
2010-cu ildə ABU-nun fəaliyyəti dayandırıldıqdan sonra Elşad Abdullayev Fransaya mühacirət edib. Elşad Abdullayev qardaşının tapılması üçün müxtəlif vəzifəli şəxslərə verdiyi yüz min dollarlarla məbləğdə rüşvət faktları ilə bağlı xəlvəti çəkdiyi çoxsaylı videolar yayıb. Onun videoları əsasında Milli Məclisin keçmiş deputatı Gülər Əhmədova və digər şəxslər həbs edilib.
2013-cü ilin martında Elşad Abdullayevin prezident İlham Əliyevə müraciətindən sonra Mahir Abdullayevin oğurlanması üzrə istintaq işini aparmaq üçün Baş Prokuror yanında Müstəqil İstintaq Komitəsi yaradılıb. Elşad Abdullayev qardaşının oğurlanmasında hökumətin yüksək vəzifəli şəxslərini günahlandırır.
Azad Mursəliyev isə 2013-cü ilin martında Mahir Abdullayevin Hüquqlarını İctimai Müdafiə Komitəsi təsis edib.
Onun sözlərinə görə, 2013-cü ilin martında Müstəqil İstintaq Komitəsi yaradıldıqdan sonra Mahir Abdullayevin oğurlanması üzrə cinayət işinin istintaqını aparmaq əvəzində Elşad Abdullyaevin ailə üzvlərinə qarşı təzyiqlər başlayıb. Onun ailə üzvlərinin evlərinə, bank hesablarına həbs qoyulub, ölkədən çıxmaları yasaq edilib. “Abdullayevin qardaşı oğlu Mübariz Abdullayev 2003-cü ilin oktyabrında dindirildiyi iş üzrə 2013-cü ildə Lənkəran Məhkəməsinin hökmü ilə 10 il müddətinə həbs edilib. O, işgəncələrə məruz qalıb, Respublika Prokurorluğunun binasında fiziki işgəncəyə məruz qalıb. Mahir və Elşad Abdullayevin Respublika Prokurorluğunda işləyən qardaşı Elsevər Abdullayev guya qardaşının oğurlanması ilə bağlı istintaqa kömək etmədiyinə görə barəsində xüsusi icraat qaydasında araşdırma başlayıb. Notarial kontorlara Mahir Abdullayevlə bağlı sənədləri təsdiq etməmək göstərişi verilib. Hətta Elşad Abdullayevin babası İslam Abdullayevin adına olan evin mülkiyyət sənədləri ləğv edilib”, deyə Mürsəliyev bildirib.
Mürsəliyev Mahir Abdullayevin oğurlanması üzrə cinayətin açılmamasında bir çox yüksək vəzifəli şəxslərin marağı olduğunu deyib. “Bu cinayət işinin açılması bir çox yüksək vəzifəli şəxslərin cinayət əməllərinin açılmasına səbəb olacaq. Bu səbəbdən də hüquq mühafizə orqanları, xüsusi ilə Respublika Prokurorluğu cinayət işinin açılmasında maraqlı deyil”, deyə o qeyd edib.
Mahir Abdullayevin aclıq aksiyasına qoşulan qohumları ölkə prezidentinə müraciət edərək ailələrinə təzyiqlərin dayandırılması və Mahir Abdullayevin oğurlanmasında günahkar şəxslərin cəzalandırılmasında yardım etməsini xahiş ediblər.
“Əgər Milli Təhlükəsizlik Nazirliyinin zabitinin oğurlanması işində 10 ildə irəliləyiş əldə edilmirsə, adi vətəndaşlar öz təhlükəsizliyi barədə nə düşünə bilər?”, deyə ölkə rəhbərliyindən sual edilib. -03C-
Cəmiyyət
-
İyulun 20-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Şimal-şərq küləyi əsəcək.
-
Ermənistanın İstintaq Komitəsinin casusluqda ittiham olunan Sarkis Qalstyan barəsində cinayət işi üzrə təhqiqatın başa çatması və işin məhkəməyə göndərilməsi haqqında bəyanatı əhəmiyyətli hadisə olub. Qarabağ adlanan partiyanın “Ədalət” fraksiyasından deputatı David Qalstyanın əmisi olan Sarkis Qalstyan işğal olunmuş Qarabağda müxtəlif vəzifələri tutub, o cümlədən o, Şuşa rayon administrasiyasının başçısı və tanınmamış Dağlıq Qarabağ Respublikasının (DQR) prezident administrasiyasının rəhbər müavini olub.
-
"Azərbaycan Respublikasının Prezidenti cənab İlham Əliyevin və ailə üzvlərinin adından guya vətəndaşların hansısa investisiya proqramına vəsait qoymağa təşviq edilməsi barədə bir sıra saxta sosial şəbəkə hesablarında paylaşılan materialların saxta ("fake") məlumatdır".
-
Azərbaycanda taksi xidməti ilə bağlı tənzimləmələrdən sonra Bakıda 35 minə yaxın taksi fəaliyyət göstərir və bu say əvvəlkindən 2 dəfə azdır. Bu barədə rəqəmsal inkişaf və nəqliyyat nazirinin müavini Rəhman Hümmətov Mobillik sahəsində qanunvericiliyin təkmilləşdirilməsinə həsr olunmuş brifinqdə bildirib.
Rəy yaz