“Azad LGTB” təşkilatının rəhbəri, 20 yaşlı İsa Şahmarlının intihar faktı Azərbaycanda qeyri-ənənəvi cinsi orientasiyalı şəxslərin hüquqlarını müdafiə zərurətini bir daha sübut edib. Şahmarlı məhz bu ideyaya xidmət edirdi, onun ölümü bazar ertəsi RATİ-nin Mətbuat Mərkəzində “Nəfəs LGTB” Alyansının mətbuat konfransı keçirməsinə səbəb olub. Alyansın rəhbəri Atilla (Cavid) Nəbiyev qeyd edib ki, bu, Azərbaycanda qeyri-ənənəvi oriyentasiyalı şəxslərin ilk mətbuat konfransıdır. O qeyd edib ki, Azərbaycanda homofobiya var, o, ədavət forması alır və bu zəmində cinayətlər törədilir. “Hamı kimi olmama” formatı ədavət zəminində cinayətlər törədilməsi üçün kifayət edən əsasdır. Cinsi azlıqların nümayəndələrinin hüquq-mühafizə orqanlarına müraciətləri çox vaxt mənasız olur, belə ki, onlara qarşı münasibət istehzalı olur. Homoseksualların problemi hökumətlə deyil, anlayışsızlığını kin mərtəbəsinə çatdıran insanlarladır. Bu qətlə səbəb ola bilərmi? Çıxış edənlərin fikrincə, ədavət zəminində törədilən cinayətlərə görə cəza sərtləşdirilməlidir. Media, daha doğrusu homoseksualizm mövzusuna həsr edilmiş materiallarda medianın istifadə etdiyi, ədavəti daha da gücləndirən dil də problem yaradır.
LGTB nümayəndələri cinsi azlıqların müdafiəsi məsələsinin parlamentə çıxarılması haqqında imzatoplama kampaniyasına başlamaq, həmçinin on-line imzatoplama təşkil etmək istəyir. Onların gənclər arasında maarifləndirici iş, “qaynar xətt” yaradılması üzrə çox sayda planları var.
Mətbuat konfransında iştirak edən İsa Şahmarlının yaxın dostları onun intihar törətməsi faktına inanmadıqlarını bildiriblər. Onlar deyiblər ki, onun həm maarifləndirmə işi, həm free radio, maarifləndirici videolar yaradılması, qeyri-ənənəvi orientasiyalıların hüquqlarının müdafiəsi və s. sahəsində bir çox planları var idi. Dostları hesab edirlər ki, o, intihar edə, xüsusən də LGTB bayrağından özünü asa bilməzdi. -04С-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz