Bakı/20.09.16/Turan: Milli Təhlükəsizlik Nazirliyinin keçmiş generalı, Energetika və Nəqliyyatda Təhlükəsizlik İdarəsinin sabiq rəisi Akif Çovdarovun işi üzrə məhkəmənin hazırlıq iclası oktyabrın 4-nə qədər təxirə salınıb.
Ağır Cinayətlər üzrə Hərbi Məhkəmədə hakim Həbib Həsənovun sədrliyi ilə Çovdarovun işi üzrə proses Sabunçu rayon məhkəməsinin binasında keçirilir.
Hazırlıq iclasının təxirə salınmasına səbəb Çovdarovun vəkili Sadiq Rəsulovun iştirak etməməsi olub. Ona əvvəlcədən məhkəmə prosesinin tarixi və yeri haqqında məlumat verilməyib.
Çovdarov dövlətin təyin etdiyi vəkildən imtina edib.
O, həmçinin bildirib ki, 56 cildlik cinayət işinin materialları ilə tanış olmaq üçün kifayət qədər vaxtı olmayıb. Onun sözlərinə görə, bunun üçün ona ayrılmış 18 gün kifayət etməyib.
Bu iş üzrə digər təqsirləndirilən şəxs Səlim Məmmədovun vəkili Cavid Rzazadə Turan-a bildirib ki, cinayət işi 24 epizoddan ibarətdir. Bu zaman müxtəlif epizodlar üzrə 60 nəfər zərərçəkmiş şəxs kimi tanınıb. Ümumilikdə iş üzrə 300-ə yaxın şahid keçir. 15-ə yaxın zərərçəkmiş hazırlıq iclasında iştirak edib.
Prosesdə dövlət ittihamını Azərbaycan Respublikasının Baş və Hərbi prokurorları dəstəkləyir. -06B-
2016 Sentyabr 20 (Çərşənbə axşamı) 11:47:13
Bakı/20.09.16/Turan: Çərşənbə axşamı Sabunçu Rayon Məhkəməsində keçmiş Milli Təhlükəsizlik Nazirliyinin generalı, Energetika və Nəqliyyat Sahələrində Təhlükəsizlik Baş İdarəsinin rəisi Akif Çovdarovun işi üzrə hazırlıq iclası başlayıb.
Lakin məhkəmə icraçıları jurnalistləri zala buraxmayıblar. Mətbuat nümayəndələrinin etirazına cavab olaraq bildiriblər, onlara tapşırılıb ki, jurnalistləri buraxmasınlar. Bu, kobud qanun pozuntusudur, çünki iclasın qapalı keçirilməsi barədə qərarı ancaq hakim verə bilər, məhkəmə keşikçisi yox.
Məhkəmə icraçılarının bu cür davranışının səbəbi bəllidir: hakimiyyət ehtiyat edir ki, birdən Çovdarov jurnalistlərə müraciət edərək hakimiyyəti gözdən sala biləcək bəyanatlar verə bilər.
Xatırladaq ki, A.Çovdarov ağır cinayətlərə görə həbs edilən MTN-in 21 yüksək vəzifəli zabitindən biridir. Ancaq hakimiyyət onların işi üzrə vahid məhkəmə keçirmir, hər kəsin işini ayrıca icraata götürür.
Çovdarov 2015-ci ilin noyabrında həbs edilib. Ona qarşı CM-in 302.2 (texniki vasitələrdən istifadə etməklə qanunsuz izləmələr), 308.1 (vəzifə səlahiyyətindən sui-istifadə ağır nəticələr səbəb olduqda), 311.3.4 (rüşvət alma, hədə-qorxu tətbiq edilməklə törədildikdə), 145.3 (qanunsuz azadlıqdan məhrumetmə) maddələri iə ittiham irəli sürülüb.
Qeyd edək ki, A.Çovdarovun adı jurnalist Elmar Hüseynovun qətl işində də keçir. Ancaq hakimiyyət bu ittihamı araşdırmayıb. -03В-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz