A.Əliyev: 1 tondan yuxarı nakotik vasitənin daşnmasının qarısı alınıb

Bakı/19.09.16/Turan: Dövlət Gömrük Komitəsinin sədri Aydın Əliyev sentyabrın 19-da Əfqanıstan Gömrük Departamentinin baş direktoru Əhməd Rəşad Popalı qəbul edib. Xəbəri Gömrük Komitəsi yayıb.

Səfər Ümumdünya Gömrük Təşkialtının Potensialın gücləndirilməsi üzrə Avropa Regional Ofisində Əfqanıstan gömrükçüləri üçün keçirilən seminar çərçivəsində baş tutub.

Xəbərdə deyilir ki, A.Əliyev narkotik vasitələrin qanunsuz dövriyyəsinə qarşı mübarizə istiqamətində həyata keçirilən tədbirlərdən də bəhs edib. “Təkcə bu ilin 8 ayı ərzində Əfqanıstan mənşəli 1 ton 100 kiloqramdan artıq narkotik vasitə - heroin aşkarlanıb, bu narkotik vasitələrin narkokuryerlər tərəfindən Azərbaycan ərazisindən tranzit olaraq daşınmasına cəhd göstərilib”. Xəbərdə deyilir ki, komitə sədri bu kimi halların qarşısının alınması üçün əməkdaşlığın önəminə toxunub.

Əfqanıstan Gömrük Departamentinin baş direktoru Azərbaycana səfərindən məmnunluğunu bildirib, eyni zamanda ÜGT-nin Potensialın gücləndirilməsi üzrə Avropa Regional Ofisində keçirilən seminarın yüksək səviyyədə təşkilinə görə minnətdarlığını ifadə edib.

Görüşdə, eyni zamanda gələn ay İranın paytaxtı Tehran şəhərində keçiriləcək İqtisadi Əməkdaşlıq Təşkilatı üzv dövlətlərin gömrük xidməti rəhbərlərinin toplantısında müzakirə ediləcək məsələlər ətrafında fikir mübadiləsi aparılıb. -0-