Heydər Əliyev prospektində YNH nəticəsində 11 nəfər xəsarət alıb, bu barədə Turan-a Səhiyyə Nazirliyinin mətbuat xidmətindən bildiriblər.
Şahidlərin sözlərinə görə, saat 17:00 radələrində Ekspo-Center yaxınlığında baş vermiş YNH-yə səbəb yüksək sürətlə 160 nömrəli sərnişin avtobusu ilə toqquşan minik maşını olub.
Zərbədən avtobus asma piyada keçidinin dirəyinə və digər avtomobillərə çaxılıb. “Zəncirvari reaksiya” 9 avtomobilin toqquşmasına gətirib çıxarıb.
Səhiyyə Nazirliyinin mətbuat xidmətindən Turan-a verilən məlumata görə, 11 nəfər zərərçəkmişin 6-sı Sabunçu xəstəxanasına yerləşdirilib. Onların vəziyyəti ağır olaraq qiymətləndirilir.
Hadisə yerinə beş “təcili yardım” briqadası göndərilib.
Qəzanın təqsirkarına gəlincə, hələlik onun kimə məxsus olduğu məlum deyil. -06D-
Cəmiyyət
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
Rəy yaz