Ağdam rayonunda neolit dövrünə aid məskən aşkarlanıb

AMEA Arxeologiya və Etnoqrafiya İnstitutunun Qarabağ neolit-eneolit ekspedisiyası Qarabağ düzənliyində - Ağdamın Xındırıstan kəndi ərazisində yerləşən İsmayılbəytəpə neolit dövrü yaşayış yerində arxeoloji tədqiqatlar aparır. Qazıntılar zamanı xeyli sayda arxeoloji mədəniyyət nümunələri - yaşı səkkiz min ilə yaxın olan tikili divarları, sapand daşları və təsərrüfat küpləri aşkarlanıb.

EA-nın saytında yer alan məlumatda deyilir ki, qazıntılar zamanı 400 kv.m sahədə e.ə. VI minilliyin I yarısına aid olan memarlıq nümunələri üzə çıxıb. Tapıntılar arasında həcmi ənənəvi ölçülərdən daha böyük olan iki təsərrüfat küpü və 52 ədəd böyük sapand daşı var.

Qarabağ neolit-eneolit ekspedisiyasının rəhbəri, tarix üzrə fəlsəfə doktoru Xaqani Alməmmədovun sözlərinə görə, aşkar edilən artefaktlar nəinki Azərbaycan, bütün Qafqaz neoliti üçün mühüm yenilik hesab olunur. -02D-