Bakı/10.07.19/Turan: Ağır yataq xəstəsi olan Əbülfəz Bünyadov məhkəmənin qərarı ilə bu gün həbsdən azad edilib. İşə Bakının Nizami Rayon Məhkəməsində baxılıb.
Vəkil Fəxrəddin Mehdiyev Ə.Bünyadovun CM-in 76.2-ci maddəsi (cəzanın çəkilməsinə mane olan ağır xəstəliyə düçar olmuş şəxs məhkəmənin qərarı ilə cəza çəkməkdən azad edilə bilər) əsasında azad edilməsi üçün vəsatət qaldırmışdı.
Dövlət ittihamçısı etiraz etməyib və Ə.Bünyadov məhkəmə zalında azad edilərək evə göndərilib, vəkil bildirib.
Xatırladaq ki, Ə.Bünyadov 2015-ci il noyabrın 26-da Nardaranda keçirilmiş xüsusi əməliyyat zamanı yaralanıb və iflic olub. O həbs edilib, ancaq bir müddət sonra polis nəzarətinə verilib. Lakin 2018-ci il iyulun 11-də məhkəmə onu 15 il azadlıqdan məhrum edib. Onu məhkəmə zalından xərəkdə həbsxanaya aparıblar.
Bir həftə öncə fəallar Ə.Bünyadovun azadlığa buraxılmasına yardımçı olması üçün Azərbaycan rəhbərliyinə müraciətlə bağlı İnternetdə imza toplanmaşına başlamışdılar.-06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz