Bakı/17.06.19/Turan: Bu gün səhər Ağstafa rayonunun Böyük Kəsik kəndində bazarda atışma zamanıı dörd nəfər öldürülüb və üç nəfər yaralanıb.
DİN və Baş Prokurorluğun mətbuat xidmətlərinin birgə məlumatında deyilir ki, qətli əvvəllər məhkum olunmuş Elnur Süleymanov törədib.
O, Sadıxlı kənd sakini Şərqiyyə Musayevaya, onun oğulları Novruz və Şəmiddinə, Ağgöl kənd sakini Zeynəb Cəlilovaya Kalaşnikov avtomatından atəş açaraq qətlə yetirib. Daha üç nəfər yaralanıb.
Faktla bağlı CM-in 120.2.7-ci (qəsdən iki və ya daha çox şəxsi qəsdən öldürmə) və 228.1-ci (qanunsuz silah saxlama) maddələri ilə cinayət işi açılıb.
İlkin məlumatlara görə, cinayət qisas almaq niyyətilə törədilib.
Süleymanov Ağstafa rayon polis şöbəsinə gələrək təslim olub, o, həbs edilib. -06D-
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Rəy yaz