Ahıska türklərinin deportasiya edilməsindən 73 il ötür
Bakı/14.11.17/Turan: Bu gün İkinci Dünya Müharibəsi dövründə ahıska türklərinin (məhsəti) sovet hökuməti tərəfindən Gürcüstandan deportasiya edilməsinin 73-cü ili tamam olur.
1944-cü ildə Stalinin əmri ilə on minlərlə türk bir gecədə Mərkəzi Asiya və Sibirə deportasiya edilib. Yalnız 1956-cı ildən sonra onlara SSRİ-nin digər bölgələrinə köçməyə icazə verilib.
1958-1960-cı illərdə onların bir hissəsi Azərbaycana gəlib. İkinci axın Fərqanə hadisələrindən sonra gəlib.
Ahıska türklərinin "Vətən" Cəmiyyətinin rəhbəri İbrahim Məmmədov Turan-a bildirib ki, hazırda Azərbaycanda 80 min yaxın ahıska türkü yaşayır.
Ahıska türklərinin tarixi Gürcüstan torpaqlarına qayıtması məsələsinin şərhi barədə xahişin cavabında İ.Məmmədov deyib ki, onların ancaq az bir hissəsi qayıda bilib.
2007-ci ildə Gürcüstan parlamenti ahıska türklərinin repatriasiyası haqqında qanun qəbul edib. Ancaq qayıdış cəhdləri kağız bürokratiyası və repatriantın türk olduğunu sübut edən sənədlər üzərində qalıb.
Sözügedən proqram 2008-ci il yanvarın 1-dən 2010-cu il yanvarın 1-dək qüvvədə olub.
Həm də ahıska türklərinə bütövlükdə Gürcüstanda yerləşməyə imkan yaradılırdı, onların tarixi torpaqları olan Samtse-Cavaxetiyada yox. Geri qayıdanlar öz hesabına ev almalı idi.
2008-2009-cu illərdə Azərbaycandan 13 286 ahıska türkü ailəsi Gürcüstana qayıtmaq haqda müraciət edib, ancaq 5428 ailənin ərizəsi qəbul edilib. Yalnız 1800 nəfər repatriant statusunu alıb.
İ.Məmmədov "məhsəti türkləri" və ya "məhsi" terminləri ilə razılaşmadığını bildirib.
"Ahıska Osmanlı imperiyasından öncə türklərin yaşadığı ərazinin qədim adıdır. "Məhsəti türkləri" və ya "məhsi" terminləri süni şəkildə düşünülüb ki, onları türkləşmiş və ya müsəlmanlaşmış gürcülər kimi qələmə versinlər.
Noyabrın 14-də deportasiyanın 73-cü ildönümü ilə əlaqədar ahıska türklərinin kompakt yaşadığı Saatlı rayonunda matəm mərasimi keçirilib.-06B-
-
- Maliyyə
- 14 Noyabr 2017 15:55
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz