Bakı/26.05.17/Turan: "Fərman Ceyranlı "Lanset" klinikasinin təsisçilərindən biridir. O, sözügedən klinikada baş həkim vəzifəsində çalışmayıb. Fərman Ceyranlı məhkəmə prosesi müddətində təxminən iki aylığa saxlanılıb",- cərrah Fərman Ceyranlının Gürcüstanda həbs olunması ilə bağlı ailəsinin yaydığı açıqlamada belə deyilir. Açqılamanı cərrahın qızı Lalə Hüseynli mediaya paylaşıb.
Açıqlamada qeyd olunur ki, F.Ceyranlının saxlanılması 2016-cı ilin aprel aylarında keçırılmış olan qaraciyər köçürülməsi əməliyyatı ilə bağlı olub. Xəstə əməliyyat sonrası 10 gün yaşayıb. Bədəni transplantant olunan orqanı qəbul etmədiyi üçün vəfat edib. Orqan verən donor hazırda saglamdır.
Açqılamaya görə, həmin əməliyyat keçirilən zaman "Lanset" klinikasının orqan köçürmə əməliyyatları üçün lisenziyası olub, amma əməliyyat aparan həkim Mircəlal Kaziminin lisenziya müddəti bitibmiş. Bunun yoxlanılması və əməliyyata icazə verilməsi sənədləşmənin aparılması isə baş həkim və klinikanın hüquqşünasının səlahiyyətinə aid olub, həmin vaxt F.Ceyranlı təsisçilərdən biri olaraq belə vəzifə və səlahiyyətləri icra etməyib.
Xatırladaq ki, mayın 23-də Tbilisi Şəhər Məhkəməsinin qərarı ilə F.Ceyranlının barəsində iki aylıq həbs qətimkan tədbiri seçilib. F.Ceyranlının Gürcüstan CM-in 180 və 247-ci maddələri ilə ittiham olunduğu bildirilir. Cərrah dələduzluq, insanların həyatı və sağlamlığına təhlükə yaradan informasiyanı gizlətməkdə şübhəli sayılır.
F.Ceyranlı əslən Gürcüstandandır, 1980-ci ildə Bakıda N.Nərimanov adına Azərbaycan Dövlət Tibb İnstitutunu bitirib. Həmin vaxtdan 1 saylı Tbilisi Şəhər Klinik Xəstəxanasında cərrahiyyə üzrə internatura keçib. 1982-ci ildən 1992-ci ilə qədər İ.M.Seçenov adına Moskva Tibb Akademiyasının cərrahi xəstəliklər kafedrasında əvvəlcə baş laborant, sonra isə elmi işçi və şöbə müdiri kimi fəaliyyət göstərib.
F.Ceyranlı sonradan fəaliyyətini Azərbaycanda davam etdirib. 1993-cü ildən Azərbaycan Səhiyyə Nazirliyində Elm İdarəsinin rəisi, 1994-cü ildə M.Topçubaşov adına Elmi Cərrahlıq Mərkəzinin direktor müavini, 1995-ci ildən isə həmin mərkəzin direktoru vəzifələrində çalışıb. Eyni zamanda, Səhiyyə Nazirliyinin baş cərrahı olub.-05D-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz