Bakı/26.05.17/Turan:Cümə günü Bakı Ağır Cinayətlər Məhkəməsində Elçin Qasımov və 11 digər təqsirləndirilən şəxslərin məhkəmə prosesi keçirilib.
Hakim Mayıl Bayramovun sədrlik etdiyi məhkəmədə Sabunçu rayon polis əməkdaşları şahid qismində dindiriliblər.
Şahid Valeh Mustafayev bildirib ki " Futboldan idarəyə qayıtdıq. İdarənin qarşısına 70-80 nəfər yığışmışdı. Bəziləri bizə daş atırdı.Onları sakitləşdirməyə çalışırdıq. Oradakılar Elçin Qasımovun azadlığını tələb edirdi. Polislərin əşyalarını axtardıqlarını görməmişəm. Çevik polis alayı gələndən sonra ara qarışdı, tuthatut başladı".
Digər şahid İsrafil Mustafayev - Biz ora yaxınlaşanda 70-80 nəfər var idi. Yüksək səslə qışqırırdılar. Təqsirləndirilən şəxsləri tanımıram və kiminsə xəsarət almasını görməmişəm.
Siyavuş Mirzəzadə - 150 nəfər var idi. Mən daha fəal olan 2 nəfəri tutmuşdum. Amma onlarin adı yadımda deyil. Ara sakitləşəndən sonra gecə 1-2.yə qədər orada keşik çəkmişəm. Bu müddətdə itirdiyi əşyanı axtaran polis görməmişəm.
Orucov Şahbaz - Sabunçu polis idarəsinin rəisinin sürücüsü Afiqin başından xəsarət almasını gördüm, amma kimin daş atdığını görmədim.
Məhkəmə iclası iyunun 2-də saat 14.00-da davam edəcək.-36d-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz