Akif Çovdarov və dəstəsi məhkəmə qarşısında dayanacaq
Keçmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarovun barəsində cinayət işi Bakı Hərbi Məhkəməyə göndərilib. Bu barədə Baş Prokurorluğun məlumatında deyilir.
Mənbəyə görə, ayrı-ayrı vətəndaşlar və sahibkarlardan daxil olmuş şikayətlərin əsasında müəyyən edilib ki, Akif Çovdarov, həmçinin onun idarəsinin bölmə rəisləri
Səlim Məmmədov, Akif Əliyev və rəis müavini Orxan Osmanov 2005-2015-ci illərdə mütəşəkkil dəstə yaradıblar. Onlar qulluq mövqeyindən istifadə edərək əsassız olaraq qanunsuz axtarış və informasiya toplanması ilə məşğul olublar. Belə ki, sahibkarların telefon danışıqlarına gizli qulaqasma, rabitə kanallarından informasiyanın çıxarılması və digər qanunsuz fəaliyyət həyata keçirilib.
Qanunsuz fəaliyyətlə əldə edilmiş kommersiya və şəxsi məlumatlardan çoxsaylı sahibkardan pul və əmlak tələb üçün istifadə edilib. Zərərçəkənlərin evlərinə qanunsuz silahlı basqın, zorakılıq, qanunsuz həbslər və MTN binasında saxlamalar baş verib.
Bu, zərərçəkənlərin psixi və zorakılığa məruz qalmasına, onların müflişləşməsinə, banklara kredit borcunun yaranmasına, daşınan və daşınmaz əmlakdan məhrum olmasına gətirib çıxarıb.
Bu cür qanunsuz hərəkətlərdən zərər çəkən sahibkarların sayı 62 nəfərdir. Onlar ümumilikdə 17 mln. 172 min manat həcmində pul və əmlakdan məhrum olublar.
İstintaq A.Çovdarovun və onun üç müavininin 33 milyon 466 min manat dəyərində əmlak və pul vəsaitinin, o cümlədən 8 milyon 967 min manat dəyərində ticarət və xidmət sahələri, istilikxanalar, balıqçılıq təsərrüfatları və s. əmlak kompleksi, torpaq sahələri, 24 milyon 445 min manat dəyərində fərdi yaşayış evləri, mənzillər, nəqliyyat vasitələri və 37 min manat dəyərində zərgərlik məmulatlarına həbs qoyub.
Həbs edilənlərə qarşı CM-in bir çox maddəsilə ittiham irəli sürülüb. Bunların arasında qanunsuz azadlıqdan məhrumetmə, mütəşəkkil dəstə tərəfindən mənimsəmə, hədə-qorxu ilə tələb etmə, vəzifə saxtakarlığı, silah tətbiq olunmaqla hakimiyyətdən sui-istifadə etmə və digər ağır cinayətlər var.
Sentyabrın 5-də istintaq materialları Bakı Hərbi Məhkəməsinə göndərilib. Keçmiş MTN-in digər vəzifəli şəxslərinin işi üzrə istintaq davam edir.
Xatırladaq ki, keçmiş MTN-in 21 nəfər yüksək vəzifəli zabiti istintaq altındadır. Onların arasında generallar, polkovniklər, bir neçə idarə rəisləri var. Onlar ağır və xüsusilə ağır cinayətlərdə ittiham olunurlar.-16D-
-
- Cəmiyyət
- 5 Sentyabr 2016 15:13
-
- İqtisadiyyat
- 5 Sentyabr 2016 16:15
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
İlqar Məmmədov istefa verdi. REAL partiyasının sədri kim olacaq? – Natiq Cəfərli Çətin sualda
Xəbər lenti
-
- Cəmiyyət,
- 10:55
- 507
Rəy yaz