
bakkenoilbiz.com
Azərbaycanın neft gəlirləri haqqında təhrif edilmiş məlumatlar
Prezident İlham Əliyev Salyana səfəri zamanı deyib ki, neft gəliləri azalıb və ölkəyə valyuta gəlməsi üçün ixrac malları lazımdır.
"Neft 3-4 dəfə ucuzlaşıb və müvafiq olaraq valyuta gəlirlərimiz də 3-4 dəfə azalıb", - deyə Əliyev bildirib.
Onun sözlərinə görə, Azərbaycan bu böhrana davam gətirə bilər.
"Neft hasil edən ölkələr arasında ən yaxşı vəziyyət Azərbaycandadır. Amma ölkəyə valyuta gəlməsi üçün ixrac malları lazımdır", - deyə Əliyev qeyd edib.
Qeyd edək ki, prezident Əliyevin iqtisadi müşavirləri neft bazarı haqqında ona yanlış məlumat verirlər. Turan analitikləri bildirir ki, neft gəlirləri hər gün, hər saat dəyişir. Ona görə söhbət qiymətdən gedəndə il, rüb və ay üzrə orta qiymət götürülür. Məsələn, 2014-cü ildə Azərbaycan neftinin orta ixrac qiyməti $104,3 olub. Bir il sonra bu göstərici $54,31 təşkil edib. Yəni 47,9% ucuzlaşma olub.
Bəs neft satışından valyuta gəlirləri nə qədər azalıb? Əgər gəlir kimi mənfəət nefi və qazının satışından gəlirləri götürsək, 2014-cü ildə bu göstərici $15 mlrd 715,9 mln olub. 2015-ci ildə gəlirlər 54% azalaraq $7 mlrd 229,1 mln olub.
2016-cı ilin I yarısında BTC FOB Ceyhan neftinin orta qiyməti ötən ilin eyni dövrünə nisbətən 30% azalıb.
Neft gəlirlərinin pik vaxtı 2011-ci ildə olub ($19,9 mlrd). O vaxt neftin orta ixtac qiyməti $111,1 idi.
Aydın deyil, nədən hökumət o vaxt nəzərə almadı ki, pik dövründən sonra neft gəlirləri azalacaq. 2010-cu ildən neft hasilatı azalmağa başlayıb və 2011-ci ildə azalma 6 mln ton olub. Hər kəsə məlum idi ki, azalma labüddür. 2011-ci ildən 2015-ci ilin sonuna kimi hökumət büdcə vəsaitlərindən rasional istifadə barədə heç bir tədbir görməyib: hər il büdcə xərcləri artır, beynəlxalq tədbirlərə çoxlu vəsaitlər ayrılırdı. Hökumətdə heç kəs cəsarət tapıb prezidentə deməyib ki, 3-4 ildən sonra neft hasilatı 20% azalacaq, hər 4-5 ildən bir neftin qiyməti dəyişir. Ehtimal var ki, neftin barreli $65-70-a düşsün. Bu iki amil üst-üstə düşsə, ölkə sunami effekti yaşayacaq. 2012-ci ilin əvvəlində hökumətdə bilirdilər ki, bir neçə ildən sonra “Şahdəniz-2” və Cənub Qaz Dəhlizinə çoxlu vəsait lazım olacaq. Maliyyə bloku ABB-də vəziyyəti bilsə də (ötən həftə Maliyyə Nazirliyi məlumat yaydı ki, 2009-2014-cü illərdə ABB-nin sabiq rəhbəri C.Hacıyev qanunsuz yolla ölkədən $5 mlrd çıxarıb, $3 mlrd qaytarılmayan kredit verib - red.), susub, dövlət başçısına məlumat verməyib. Nəticədə indi enerji layihələrinə kredit cəlb etmək üçün danışıqlar aparılır, ölkədə valyuta qıtlığı var və s. —12A—
-
- Cəmiyyət
- 5 Sentyabr 2016 15:44
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz