![Akif Rüstəmovun xatirəsinə həsr olunmuş qayayadırmanma turnirinə yekun vurulub](https://turan.az/resized/media/2012/main/101300014578-750-500-resize.webp)
Akif Rüstəmovun xatirəsinə həsr olunmuş qayayadırmanma turnirinə yekun vurulub
Alpinizm və Qayayadırmanma Federasiyasının şənbə günü keçirilən mətbuat konfransı ölkənin məşhur alpinisti Akif Rüstəmovun xatirəsinə həsr olunmuş ikigünlük turnirin yekunlarını əhatə edib.
Federasiyanın Rəyasət Heyətinin üzvləri Nizami və Saridan Mursaqulovlar turnirin məqsəd və vəzifələri və Akif Rüstəmovun şəxsiyyəti haqqında məlumat veriblər.
Qeyd edilib ki, belə mötəbər turnirin keçirilməsi gənc, perspektivli qayaya dırmanan idmançılar yetişdirmək və onlara beynəlxalq səviyyəyə çıxmaq imkanı yaratmaq məqsədi daşıyır.
Daha sonra üç növ yarışlar üzrə qaliblərə medallar və kuboklar təqdim edilib.
“Böyük hazırlıq işləri keçirilib və nəticələr göstərib ki, ölkədə qabiliyyətli və perspektivli idmançılar nəsli olduğunu göstərib.
Alpinizm dağ aticilarının hazırlanmasında mühüm elementdir və bizim məqsədlərimizdən biri dağlarda döyüşə bilən kadrlar hazırlamaqdan ibarətdir, belə ki, ölkəmizin əksər dağlıq hissəsi işğal altındadır”, deyə Rəyasət Heyətinin üzvü Nizami Mursaqulov bildirib.
Ekstremal İdman Növləri Federasiyasının eyni vaxtda eyni adlı analoji turnir keçirməsini necə qiymətləndirirsiniz? Bu suala cavabda Mursaqulov qeyd edib ki, bunu yanlış hesab edir. “Biz aylardır bu turniri hazırlayırdıq və bu məsələni Akifin ailəsi ilə razılaşdırırdıq. Həmçinin, Fairex üzvlərini dəvət etmişdik, bunun əvəzinə onlar eyni adlı turnir keçirdilər”, deyə o bildirib.
Öz növbəsində, Akif Rüstəmovun qızı Esmira Fairex-in əməllərini nəzakətsiz adlandıraraq, qəzəbini ifadə edib. “Biz Alpinizm Federasiyasından atamın dostlarının onun adına həsr olunmuş turnir keçirməsinə razılıq verdik. Buna görə, Fairex-in əməllərini ədəbsiz və yolverilməz hesab edirəm”, deyə o bildirib.
Fairex-in adını açıqlamayan nümayəndəsi rəhbərliyinin əməllərinə bəraət qazandırmağa çalışıb və hətta Fairex-in bir neçə il əvvəl də Akif Rüstəmov adına turnir keçirdiyini söyləyib. O, turnirin harada keçirildiyi və Akif Rüstəmovun hələ iki il əvvəl dünyasını dəyişdiyi halda, bunun necə mümkün olduğu barədə suallara cavab verə bilməyib.
Akif Rüstəmovun qızının qınaqlarına cavabda o, Fairex-in məşhur idmançının xatirəsinə hörmətini ifadə etmək istədiyini bildirib. -02В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz