“Bakı-Astara magistral yolu açılsa, da Alar kəndində əhalinin vəziyyəti pisdir, evləru su basıb, 3-4 ev isə dağılıb”. Bu barədə Turan-a kənd sakini Əlişir Məmmədov bildirib.
Onun sözlərinə görə, oktyabrın 27-dən qərb istiqamətində yerləşən Gülməmmədli kəndi ərazisindən Alar kəndinə sel axını başlayıb, yalnız oktyabrın 28-də səhərə yaxın su axının qarşısını nisbətən almaq mümkün olub.
“Sel sularının kəndə ziyan vurmaması üçün Bakı-Astara avtomobil yolunu yardılar. Amma buna qədər sel öz işini görmüşdü. Hazırda, kənddə 35-ə qədər ev suyun içindədir, insanlar evlərinə daxil ola bilmir”, deyə o qeyd edib.
Ə.Məmmədovun sözlərinə görə, evlərdə suyun hündürlüyü 15-70 sm arasındadır.
Kənd sakini Şahlar Əhədov bütün gecəni şəxsi maşında keçirdiyini deyir. Onun fikrincə, sel sularına yalnız intensiv yağışın səbəb olması haqda deyilənlər doğru deyil.
“Yox, bu təkcə yağış məsələsi deyil. Sovet dönəmi vaxtı Gülməmmədli, Cəfərxanlı tərəfdə dambalar var idi, bunlar su anbarları idi. Sonra bu su anbarlarını balıq yetişdirmə göllərinə döndərdilər. Selə əsas səbəb məhz həmin Gülməmmədli kəndindəki gölün dağılmasıdır”, deyə o qeyd edib.
Ş.Əhədov hesab edir ki, təhlükə bununla bitməyib.
“Daha bir təhlükə yaxınlıdakı Cəfərxanlı kəndindəki gölün bəndinin dağılması ola bilər. O göl Gülməmmədli kəndindəki göldən daha böyükdür və bəndin dağılması təhlükəsi daha çoxdur. Əgər o gölün bəndi dağılsa təkcə Alar deyil, digər kəndlər də ciddi ziyan çəkəcək. Təhlükənin də aradan qaldırılması üçün hər hansı tədbir isə görülmür”, deyə o bildirib.
Sakinlər rayon rəhbərliyinin əhalinin vəziyyətilə maraqlanmadığını bildirib.
“Hələ indiyə kimi kənd sakinlərinin durumu ilə maraqlanan yoxdur. Marqlanmırlar ki, ziyan çəkən sakinlər gecəni harada və necə keçiriblər, bunlara dəyən ziyanın həcmi nədir. Durumu yüngülləşdirmək üçün nə etmək istəyirlər, hələ də biz kənd sakinlərinə aydın deyil”, deyə Ş.Əhədov narazılığını bildirib.
Cəlilabad rayonun Alar kəndi Bakıdan 200 kilometr cənubda yeləşir. Kəndfin 10 minə yaxın əhalisi var. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz