Beynəlxalq Hüquq Müdafiə Təşkilatları Koalisiyası Azərbaycan hökumətini real islahatlara başlamağa və vətəndaş cəmiyyətinə qarşı repressiyalara son qoymağa çağırıb.
18 təşkilatın birgə bəyanatında deyilir ki, Koalisiya Mədən Sənayesində Şəffaflıq Təşəbbüsünün İdarə Heyətinin Azərbaycanın statusunu yüksəltməmək qərarını alqışlayır.
"Amma biz narahatıq ki, MSŞT vətəndaş cəmiyyətinin boğulmasının və hökuməti tənqid edən hər kəsin təqibinin ciddiyyətini qəbul etmir. MSŞT Azərbaycandan dörd ay ərzində qanunvericilikdə vətəndaş cəmiyyətinin fəaliyyətini iflic edən məhdudiyyətləri ki ləğv etməyi tələb edib", deyə bəyanatda bildirilir.
Azərbaycan MSŞT-nin 25-26 oktyabr iclası ərəfəsində MSŞT İdarə Heyətini "sakitləşdirmək" məqsədilə bir sıra müsbət addımlar sayəsində MSŞT-dən çıxarılmaqdan çətinliklə qurtuldu. Amma bu addımları real irəliləyiş əlaməti kimi baxmaq olmaz. Bir çox QHT-lər və onların liderləri cinayət təhlükəsi ilə üz-üzə qalmaqdadır, bəzi fəallar isə saxta ittihamlarla həbsdədir. Belə ki, Azərbaycanla bağlı qərar qəbul edildiyi gün Bakı Məhkəməsi 22 yaşlı fəal Qiyas İbrahimovu siyasi qrafittiyə görə saxta narkotik dövriyyəsi ittihamı ilə 10 il müddətinə azadlıqdan məhrum edib.
Prezidentin bu yaxınlarda guya xarici donorlardan qrant alınmasının asanlaşdırılmasına yönəlmiş fərmanı isə ekspertlər tərəfindən qeyri-ciddi və kosmetik sənəd kimi qiymətləndirilib.
Azərbaycan beynəlxalq təşkilatların vətəndaş cəmiyyətini tənzimləyən qanunvericiliyin dəyişdirilməsi və insan hüquqları sahəsində beynəlxalq standartlara uyğunlaşdırılması zərurəti haqqında çoxsaylı tövsiyələrinə məhəl qoymur, deyə bəyanatda qeyd edilir.
Xatırladaq ki, 2015-ci ilin aprelində MSŞT Azərbaycanın statusunu namizəd səviyyəsinə endirib.
18 ay ərzində Bakı vəziyyətin yaxşılaşdırılması və vətəndaş cəmiyyəti üçün əlverişli şərait yaradılması üçün heç nə etməyib.
MSŞT-də status Azərbaycan üçün həddindən artıq əhəmiyyətlidir, bu, xarici investisiyalara çıxış əldə etmək imkanı verir.
Müraciəti Article 19, Bankwatch Network, Crude Accountability, Freedom Now, Helsinki İnsan Hüquqları Fondu, İnsan Hüquqları Evləri Fondu, Senzura İndeksi, Helsinki Niderland Komitəsi, Norveç Helsinki Komitəsi, PEN-Amerika, Beynəlxalq PEN-klub, İşgəncələr Əleyhinə Ümumdünya Təşkilatı və s. imzalayıblar. -02D-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz