Niyaməddin Əhmədov
Bakı/22.08.23/Turan: Avqustun 22-də Azərbaycanın Ali Məhkəməsi Azərbaycan Xalq Cəbhəsi Partiyasının liderinin mühafizəçisi Niyaməddin Əhmədovun kassasiya şikayətini təmin etməyib.
Vəkil Zibeydə Sadıqovanın "Turan"a verdiyi məlumata görə, məhkəmə iclasında müdafiə tərəfi Əhmədovun fundamental hüquqlarının, o cümlədən müdafiə və ədalətli məhkəmə araşdırması hüquqlarının pozulduğunu qeyd edib.
“Əhmədov hədə və təzyiqlərə məruz qalıb, ona qarşı qanunsuz sübutlar əldə edilib. Təəssüflər olsun ki, məhkəmə bizim dəlillərimizə qiymət vermədi və kassasiya şikayətini təmin etmədi”, - deyə vəkil bildirib. Əhmədovun özü məhkəməyə gətirilməyib.
"Əhmədov 2020-ci ilin aprelində həbs olunub. Öncə o, karantin rejimi qaydalarını pozma ittihamıyla bir ay inzibati həbsdə saxlanıb. Bu cəza başa çatdığı gün isə CM-in 214-1 (terroru maliyyələşdirmə) maddəsi ilə barəsində yeni iş başlanıb. İstintaqın sonunda ona daha iki maddə ilə - 281 (dövlət əleyhinə yönəlik açıq çağırışlara hazırlıq) və 233-1 (qanunla mülki dövriyyədə olmasına yol verilməyən əşyaları əldə etmə, saxlama) maddələri ilə ittiham verilib.
Məhkəmənin qərarı ilə N.Əhmədov 13 il müddətinə azadlıqdan məhrum olunub.
Bakı Apellyasiya Məhkəməsi Bakı Ağır Cinayətlər Məhkəməsinin qərarını qüvvədə saxlayıb.
Əhmədov ona qarşı irəli sürülən ittihamları rədd edib. Hüquq müdafiəçiləri Əhmədovu siyasi məhbus kimi tanıyıblar. 06B
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz