активист движения NİDA Эльгиз Гахраман
Bakı/29.11.17/Turan: Bu gün Ali Məhkəmə NİDA Hərəkatının fəalı, 5,5 il müddətinə azadlıqdan məhrum edilmiş Elgiz Qəhrəmanın kassasiya şikayətinə baxıb.
Ali Məhkəmə ittihamı daha ağır - 234.4.3-cü maddədən (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) az ağır - 234.1-ci maddəyə (satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) tövsif edib və cəza müddətini 3 ilədək azaldıb.
Vəkil Fariz Namazlı Turan-a bildirib ki, müdafiə tərəfi məhkəmənin qərarı ilə razı deyil, çünki fəala bəraət verilməsinə israr edib və Avropa İnsan Hüquqları Məhkəməsinə müraciət etmək niyyətindədir.
Bununla yanaşı F.Namazlının sözlərinə görə, Ali Məhkəmənin qərarı E.Qəhrəmanın cəzasının üçdə birini çəkməsilə əlaqədar vaxtından əvvəl şərti azadlığa buraxılmasına imkan yaradır.
*Xatırladaq ki, F.Qəhrəman 2016-cı il avqustun 12-də narkotik maddənin qanunsuz dövriyyəsində ittiham olunaraq həbs edilib. 2017-ci il yanvarın 16-da Bakı Ağır Cinayətlər Məhkəməsi onu 5,5 il müddətinə azadlıqdan məhrum edib. Mayın 18-də Apellyasiya Məhkəməsi hökmü qüvvədə saxlayıb.
NİDA Hərəkatı E.Qəhrəmanın həbsinin siyasi motivli olduğunu bəyan edib və əsl səbəb kimi Facebook-da ötən il Azərbaycan Konstitusiyasına düzəlişlərlə bağlı referendum haqqında tənqidi materialların dərcinu göstərib.-16B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz