Bakı/29.11.17/Turan: Noyabrın 29-da Yasamal Rayon Məhkəməsində NİDA Hərəkatının fəalı Qiyas İbrahimov və onun atası Həsən İbrahimovun işi üzrə iclas baş tutmayıb.
Q.İbrahimov məhkəməyə gətirilmədiyinə görə proses dekabrın 6-na keçirilib.
Hakim bunu Penitensiar Xidmətin əməkdaşlarının məhkumu gətirməməsi ilə izah edib.
Bu, fəalın anası Şura Əmiraslanovanın oğlunun taleyilə bağlı narahat olmasına əsas verib.
"Əvvəlki iclasdan sonra Qiyasdan xəbər yoxdur. Onun həftədə iki dəfə evə zəng etmək hüqüqu var, ancaq ötən məhkəmə iclasından sonra zəng etməyib. Bu gün məhkəməyə gətirilməməsi narahatlığımızı artırır", - ana bildirib.
* Qiyas və Həsən İbrahimovlar CM-in 289.2-ci maddəsi (məhkəməyə hörmətsizlik) ilə ittiham olunurlar.
Cinayət işi bu il iyunun 5-də Bakı Apellyasiya Məhkəməsində baş vermiş insidentlə əlaqədar başlayıb. Dövlət ittihamçısının çıxışı zamanı Q.İbrahimov "şüşə qəfəs"dəki mikrofonu qoparıb. Bu, Qiyasın heç nə eşitməməsi barədə çağırışlarına hakimin məhəl qoymamasından sonra baş verib.
Məhkəmə nəzarətçiləri qəfəsə yaxınlaşıb Q.İbrahimovla kobud davranaraq onun əllərini qandallayıblar. Fəalın atası hiddətlənərək buna etirazını bildirib və hakimi zorakılığa son qoymağa çağırıb. "Gün gələcək, sizin də övladlarınız bu taleyi yaşayacaq", - o çığırıb.
Bakı Apellyasiya Məhkəməsinin hakimləri bunu özlərinə hörmətsizlik kimi qəbul ediblər.
** 2016-cı il mayın 10-da NİDA Hərəkatının üzvləri Qiyas İbrahimov və Bayram Məmmədov Heydər Əliyevin abidəsinə siyasi şüarlar yazdıqdan sonra həbs olunublar. Ancaq onları qanunsuz narkotik maddə dövriyyəsində ittiham edərək 10 il azadlıqdan məhrum ediblər.
"Amnesty International" təşkilatı onları vicdan məhbusları adlandırıb. Təşkilat ittihamın saxtalaşdırıldığını hesab edir.
Hakimiyyət nümayəndələri onları siyasi məhbus hesab etməyərək "konkret cinayət əməli"nə görə həbs olunduqlarını bildirirlər.-B06--
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz