Bu gün Azərbaycan Ali Məhkəməsi AXCP sədrinin müşaviri Məmməd İbrahimin kassasiya şikayətini təmin etməyib. M.İbrahim xuliqanlıq ittihamı ilə üç il azadlıqdan məhrum edilib.
İclas zamanı vəkil Yalçın İmanov məhkəmədən xahiş edib ki, aşağı instansiya məhkəmələrinin hökmlərini ləğv edərək İbrahimi azadlığa buraxsın.
Müttəhim özü siyasi motivlərlə həbs olunduğunu bildirib.
Lakin məhkəmə hökmü qüvvədə saxlayıb.
* M.İbrahim ötən il sentyabrın 30-da xuliqanlıq ittihamı ilə (maddə 221.1) (şikayəti keçmiş AXCP üzvü Mikayıl Quliyev verib) həbs olunub. Sonradan bu maddə daha ağır ittihama – 221.2.2-ci maddəyə tövsif edilib. Bu maddə üzrə M.İbrahimi 5 ilədək azadlıqdan məhrumolunma təhlükəsi gözləyirdi. Birinci instansiya məhkəmə zamanı bütün şahidlər M.İbrahimin günahsız olduğunu və onun zərərçəkən kimi tanınanlara qarşı güc tətbiq etmədiyini bildiriblər. Ancaq buna baxmayaraq, martın 15-də Nərimanov Rayon Məhkəməsi M.İbrahimi təqsirli bilərək üç il azadlıqdan məhrum edib.
Hüquq-müdafiə təşkilatları M.İbrahimi siyasi məhbus kimi tanıyıblar.–B06 –
Cəmiyyət
-
“Müdafiəçi” Hüquq Mərkəzi Azərbaycanın quru sərhədlərinin açılması tələbi ilə ictimai kampaniyaya başlayır. Belə ki, Nazirlər Kabinetinin quru sərhədlərinin qapalı saxlanılması ilə bağlı qərarından Azərbaycan Konstitusiya Məhkəməsinə kütləvi şəkildə fərdi şikayətlərin verilməsi təklif edilir.
-
Prezident İlham Əliyev dekabrın 29-da ondan dörd gün əvvəl Bakıdan Qroznıya uçan AZAL təyyarəsinin Qazaxıstanın Aktau şəhəri yaxınlığında qəzaya uğraması ilə bağlı Dövlət Televiziyasına (AZ TV) müsahibə verdi. Prezident dedi ki, Azərbaycan tərəfi öz tələblərini açıq şəkildə Rusiya tərəfinə bildirib: "Dekabrın 27-də artıq bu tələblər rəsmi qaydada onlara çatdırıldı. Bu, nədən ibarətdir?
-
Azər Qasımlı 20 gündür İstintaq Təcridxanasında saxlanılır, lakin onunla heç bir istintaq hərəkəti aparılmayıb. Heç kim onunla görüşməyib. Yalnız saxlanıldığı ilk gün Yasamal Rayon Polis İdarəsində və məhkəmə günü Azər Qasımlı ilə ittihamçı arasında üzləşmə keçirilib. İttihamçı başına papaq geyinərək gözlərini gizlədib və Azərdən üz döndərib, - deyə Turan-a Azərin həyat yoldaşı Samirə Qasımlı bildirib.
-
Dekabrın 29-da hava yağışlı olacaq, lakin bayram günlərində (31 dekabr-3 yanvar) Bakıda hava mülayim olacaq.
Rəy yaz