Alman Bundestaqının Beynəlxalq Parlament təqaüdü proqramı üçün 2017-cü il üzrə seçim danışıqları
Almaniya Parlamentinin nümayəndə heyəti Alman Bundestaqının Beynəlxalq Parlament təqaüdü proqramı (İPS) üçün Azərbaycandan olan namizədləri seçmək məqsədilə oktyabrın 4-5-də Bakıya səfər edəcək. Bu barədə Turan-a Almaniyanın Bakıdakı səfirliyindən bildiriblər.
Məlumata görə, Alman nümayəndə heyətinə Bundestaqın deputatı cənab Aleksandr Ulrix rəhbərlik edəcək.
İPS proqramı çərçivəsində dünyanın 41 ölkəsindən 120 təqaüdçü 1 mart-31 iyul 2017-ci il tarixinədək Alman Bundestaqı tərəfindən tam maliyyələşdirilən təqaüd çərçivəsində Almaniyanın parlamentar sistemi ilə tanış olmaq imkanı əldə edirlər.
Proqramın məqsədi siyasətin aparılması və demokratik qərarların verilməsi proseslərinin yaxından şahidi olmaqdır. Təqaüdçülər alman parlamentinin bir deputatının yanında işləyirlər və eyni zamanda Berlin universitetlərinin birində tələbə olaraq qeydiyyata alınırlar.
Taqaüdçülər həmçinin parlamentdəki fəaliyyətlərində əlavə olaraq universitetin mühazirə və seminarlarında da iştirak edə bilirlər.
Bu proqram Alman Bundestaqının prezidentinin xüsusi himayəsi və üç Berlin universiteti ilə əməkdaşlıq çərçivəsində həyata keçirilir. Bütün səfər, yaşayış və sığorta xərcləri habelə aylıq təqaüd Alman Bundestaqı tərəfindən ödənilir. Hər il dekabr ayından etibarən İPS proqramında iştirak etmək üçün müraciət ərizələri Bakıdakı alman səfirliyinə təqdim olunur.
Proqram haqqında daha geniş məlumatı bu internet səhifəsindən əldə edə bilərsiniz: http://www.bundestag.de/ips.
Səfər çərçivəsində alman nümayəndə heyəti Bakıda siyasət, iqtisadiyyat və təhsil sahələrindən nümayəndələrlə görüşlər keçirəcək.
Mövcud əlaqələri və şəbəkəni inkişaf etdirmək üçün İPS proqramının məzunları ilə də görüş nəzərdə tutulub. Bir çox ölkədə olduğu kimi, Azərbaycanda da İPS məzunları şəbəkələşmək məqsədilə birlik təsis ediblər. -16D-
-
- İqtisadiyyat
- 28 Sentyabr 2016 14:35
-
- Mədəniyyət
- 28 Sentyabr 2016 15:38
Cəmiyyət
-
Azərbaycanda növbədənkənar parlament seçkilərindən beş gün keçib. Mərkəzi Seçki Komissiyası (MSK) protokollara yekun vurmasa da, bütün 125 dairə üzrə lider namizədlər açıqlanıb. Onlardan gözləntilər nədir?
-
Sentyabrın 7-də paytaxtda hava dəyişkən olacaq, yağıntı olmayacaq. Mülayim şimal-qərb küləyi əsəcək. Gündüz havanın temperaturu müsbət 25 + 29 dərəcə olacaq. Rütubət gecə 60-70, gündüz 40-45 olacaq.
-
Ölkənin ən sürətlisi “Bakcell”, 4 sentyabr tarixində Bakı Şəhər Halqası Əməliyyat Şirkəti ilə birgə jurnalistlər üçün səhər yeməyi təşkil edib. Görüşdə “Bakcell” və “Bakı Şəhər Halqası Əməliyyat Şirkəti” nümayəndələri Azərbaycanda keçiriləcək sürət yarışının əhəmiyyəti barədə ətraflı danışıb, media nümayəndələrini maraqlandıran sualları cavablandırıblar.
-
Dövlət Sərhəd Xidməti (DSX) 2024-cü ilin avqust ayı ərzində dövlət sərhədinin mühafizəsilə bağlı göstəriciləri açıqlayıb.
İran Zəngəzur dəhlizinə görə Rusiyaya qarşı çıxır? – Elxan Şahinoğlu Çətin sualda
Xəbər lenti
-
- Cəmiyyət,
- 14:50
- 345
Rəy yaz