İyulun 21-də Nabranda hovuzda ayağı kəsilən 2 yaşlı İmran Cəfərzadənin həyat təhlükəsi yoxdur. Hazırda uşaq Berlinin Charitie klinikasında alman həkimlərin nəzarəti altındadır, bu barədə Azərbaycanın Berlindəki səfirliyinin məlumatında deyilir.
İyulun 26-da İmran Charite klinikasına aparılıb, orada dərhal 6 saatlıq əməliyyat olunub.
İyulun 30-da böyük konsilium keçirilib, həkimlər uşağın həyatı üçün təhlükə olmadığını təsdiq ediblər. Bundan sonra həkimlər hər iki ayaqda ağır travmanın nəticələrini aradan qaldırmaq niyyətindədirlər.
Sağalma və ayaqlardakı yaraların yaxşılaşması prosesi bir neçə həftə davam edəcək.
* İmran Cəfərzadə atası ilə birlikdə hovuzda ikən nasos işə salınıb. Qoruyucu barmaqlıq olmadığı üçün uşağın ayaqları borunun içinə sovrulub. Nəticədə bir ayağı kəsilib, digəri isə xəsarət alıb.
Faktla bağlı Xaçmaz rayon prokurorluğunda 162.1 (əməyin mühafizəsi qaydalarının pozulması) və 314.2-ci (səhlənkarlıq) maddələrlə cinayət işi açılıb, 3 nəfər həbs edilib.
Uşağın müalicəsi üçün dövlət pul ayırıb. -06D-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz